న్యూఢిల్లీ, ఆగస్టు 11: దేశంలో ఏ విశ్వవిద్యాలయంలోనూ మహాత్మాగాంధీ పేరుతో ప్రత్యేక పీఠం ఏర్పాటుకాలేదని కేంద్ర మానవ వనరుల అభివృద్ధి మంత్రిత్వశాఖ వెల్లడించింది. యూజీసీ మార్గదర్శకాలు ఉన్నప్పటికీ ఏ వర్శిటీ ముందుకురాలేదని ఓ ప్రకటనలో తెలిపారు. మేధావులు, ప్రముఖ వ్యక్తులు, ఆయా ప్రాంతాల అభివృద్ధి కోసం పాటుపడిన మహోన్నతుల పేరుతో పీఠాలు ఏర్పాటుకు యూజీసీ ఓ విధానం రూపొందించింది.

న్యూఢిల్లీ,ఆగస్టు 11: దేశం వ్యాప్తంగా గ్రామ పంచాయతీలు ఏదుర్కొంటున్న సమస్యల పరిష్కరం కోసం కేంద్రంపై ఒత్తిడి తీసుకురావాలని లోక్‌సభ కాంగ్రెస్ పక్ష నాయకుడు మల్లికార్జున ఖార్గేకు సర్పంచుల ఐక్య వేదిక విజ్ఞప్తి చేసింది. వేదిక నాయకులు అందోల్ క్రిష్ణ, బాపునర్సింలు తదితరులు శనివారం ఖార్గేను కలిశారు.

న్యూఢిల్లీ,ఆగస్టు 11: దేశంలో ప్రాంతాలు, సంస్కృతులు వెరైన మనమంతా భారతీయులుగా జీవీస్తున్నామని ఉపరాష్టప్రతి వెంకయ్య నాయుడు వెల్లడించారు. ఉపరాష్టప్రతి నివాసంలో ఢిల్లీ స్టడి గ్రూప్ నేతృత్వంలో ‘తీజ్’ ఉత్సవ్ ఘనంగా జరిగింది. ఈ కార్యక్రమంలో ఉపరాష్టప్రతి వెంకయ్య నాయుడు, కేంద్ర మంత్రి విజయ్ గోయల్ తదితరులు పాల్గొన్నారు. ఈ సందర్భంగా మహిళలు ప్రదర్శించిన పలు సంప్రదాయ నృత్యాలు అందరిని అకట్టుకొన్నాయి.

చండీగఢ్, ఆగస్టు 11: ఈ నెల 18న పాకిస్తాన్ ప్రధాన మంత్రిగా ప్రమాణ స్వీకారం చేయనున్న ఇమ్రాన్ ఖాన్ పంజాబ్ రాష్ట్ర మంత్రి, మాజీ క్రికెటర్ నవ్‌జ్యోత్ సింగ్ సిద్దును ఆహ్వానించారు. ఈ విషయమై పంజాబ్ ముఖ్యమంత్రి అమరీందర్ సింగ్, కేంద్ర హోం మంత్రిత్వ శాఖతో ఆయన సంప్రదింపులు జరుపుతున్నారు. ఇమ్రాన్ ప్రమాణ స్వీకారానికి వెళ్ళేందుకు తాను సిద్ధంగా ఉన్నట్లు ఈ సందర్భంగా ఆయన తెలిపినట్లు సమాచారం.