విశాఖపట్నం: అల్పపీడన ప్రభావంతో ఉత్తరాంధ్రలో భారీ వర్షాలు పడే అవకాశం ఉందని వాతావరణ శాఖ వెల్లడించింది. ఉభయ గోదావరి, కృష్ణా, గుంటూరు, కర్నూలు జిల్లాల్లో వర్షాలు పడే అవకాశం ఉందని వెల్లడించింది. అల్పపీడన ప్రభావంతో సముద్రం అల్లకల్లోలంగా మారే అవకాశం ఉందని పేర్కొంది. గంటకు 45 కిలోమీటర్ల వేగంతో గాలులు వీచే అవకాశం ఉన్నందున మత్స్యకారులు సముద్రం వేటకు వెళ్లే అవకాశం లేదని పేర్కొంది.

న్యూఢిల్లీ మహాత్మాగాంధీ జయంత్యుత్సవాల సందర్భంగా వృద్ధ ఖైదీలకు క్షమాభిక్ష ప్రసాదించనున్నారు. ఈమేరకు కేంద్ర ప్రభుత్వం నిర్ణయంచిందిః 55ఏళ్లు దాటిన మహిళా ఖైదీలకు, అరవై ఏళ్లు దాటిన ఖైదీలకు ఇది వర్తిస్తుంది. వరకట్న హత్యలు, అత్యాచారం, మానవ అక్రమ రవాణా సహా పీఓటీఏ, యూఏపీఏ, టాడా, మనీ లాండరింగ్‌, ఫెమా, ఏన్డీపీఏ, అవినీతి నిరోధక చట్టాల కింద శిక్ష అనుభవిస్తున్న వారికి మాత్రం ఈ క్షమాభిక్ష వర్తించదు.

న్యూఢిల్లీ: అవిశ్వాస తీర్మానానికి అమ్ ఆద్మీ పార్టీ మద్దతు ఇస్తుందని ఆ పార్టీ ఎంపీ సంజయ్ సింగ్ వెల్లడించారు. ఈరోజు ఉదయం అవిశ్వాస తీర్మానానికి మద్దతు ఇవ్వాల్సిందిగా టీడీపీ ఎంపీలు కేజ్రీవాల్‌తో సమావేశమయ్యారు. అవిశ్వాసంపై చర్చ, ఓటింగ్ సందర్భంగా అండగా ఉంటామని కేజ్రీవాల్ భరోసా ఇచ్చారు.

న్యూఢిల్లీ: పార్లమెంటు ఉభయ సభలు గురువారంనాడు సజావుగా ప్రారంభమయ్యాయి. లోకసభలో స్పీకర్ సుమిత్రా మహాజన్ ప్రశ్నోత్తరాల కార్యక్రమాన్ని చేపట్టారు. రాజ్యసభలోనూ ఎలాంటి ఆందోళన లేకుండా సభ సజావుగా సాగుతుంది. మరోవైపు ఇతర పార్టీల మద్దతును కూడగట్టే పనిలో సభ్యులు ఉన్నారు.