పాట్నా, జూన్ 11: ‘కుటుంబంలో కలతలు లేవు. పార్టీలో కుమ్ములాటలూ లేవు. అంతా సంతోషంతో కూడిన వాతావరణమే అలముకుని ఉంది’ అని బీహార్ మాజీ సీఎం రబ్రీదేవి, ఆమె కుమారులు తేజ్ ప్రతాప్, తేజస్వి యాదవ్‌లు స్పష్టం చేశారు. ఆర్జేడీ చీఫ్, మాజీ సీఎం లాలూప్రసాద్ యాదవ్ 71వ జన్మదినం సందర్భంగా ఒకే గూటికి చేరిన లాలూ కుటుంబం ఆనందోత్సాహాలతో గడిపారు.

న్యూఢిల్లీ, జూన్ 11: ఎస్సీ, ఎస్టీ అట్రాసిటీ చట్టంపై సుప్రీం కోర్టు తీర్పును పునఃసమీక్షించాలని తెలుగుదేశం ఎస్సీ, ఎస్టీ నాయకుల బృందం సోమవారం రాష్టప్రతి రామ్‌నాథ్ కోవింద్‌ను కలిసి విజ్ఞప్తి చేసింది. సాంఘిక, గిరిజన సంక్షేమ శాఖ మంత్రి నక్కా ఆనందబాబు నేతృత్వంలో ఎస్సీ, ఎస్టీ ఎమ్మెల్యేలు, ఎమ్మెల్సీలు, ఆ పార్టీ నాయకులు రాష్టప్రతి భవన్‌లో రామ్‌నాథ్ కోవింద్‌తో భేటీ అయ్యారు.

న్యూఢిల్లీ, జూన్ 11: ప్రధాని నరేంద్ర మోదీని, రాజీవ్ గాంధీ తరహాలో హత్య చేస్తామంటూ పేర్కొన్న లేఖ ప్రామాణికత ఎంత అంటూ సీనియర్ కాంగ్రెస్ నేత పి. చిదంబరం ప్రశ్నించారు. ప్రస్తుతం తమ వద్ద ఉన్న ఈ లేఖలోని నిజానిజాలను పూర్తి సాక్ష్యాధారాలతో ప్రభుత్వం బయటపెట్టాలని ఆయన కోరారు. ప్రధానికి పూర్తి భద్రత కల్పించడం ప్రభుత్వ విధి అని ఆయన పేర్కొన్నారు.

న్యూఢిల్లీ, జూన్ 11: ఎస్సీ, ఎస్టీ అట్రాసిటీ చట్టం పరిరక్షణకు బీజేపీ కట్టుబడి ఉందని కేంద్ర మాజీ మంత్రి బండారు దత్తాత్రేయ స్పష్టం చేశారు. దత్తాత్రేయ సోమవారం విలేఖరులతో మాట్లాడుతూ దేశంలో దళితులపై మోదీ ప్రభుత్వంపై దాడులు చేస్తోందని వరంగల్ సభలో కాంగ్రెస్ నాయకులు చేసిన ఆరోపణలను ఆయన తప్పుబట్టారు.