తిరుచిరాపల్లి, జూన్ 7: నీట్‌లో వైఫల్యాలు విద్యార్థుల ప్రాణాలు బలిగొంటున్నాయి. తమిళనాడులో తాజాగా మరో విద్యార్థిని ఆత్మహత్యకు పాల్పడింది. నేషనల్ ఎలిజిబిలిటీ కమ్ ఎంట్రెన్స్ టెస్ట్ (నీట్)లో సుభశ్రీ అనే విద్యార్థినికి 24 మార్కులు మాత్రమే వచ్చాయి. దీంతో తీవ్ర నైరాశ్యానికిలోనై బుధవారం రాత్రి తన ఇంట్లో ఉరేసుకుంది.

నాగ్‌పూర్, జూన్ 7: భారత జాతీయవాదం సుసంపన్నమైనదని, మతం, ప్రాంతం ప్రాతిపదికన ద్వేషం, అసహనాన్ని రెచ్చగొట్టడం ద్వారా జాతీయ వాదానికి కొత్త నిర్వచనాలు ఇచ్చే విధానాన్ని ప్రజలు అంగీకరించరని భారత పూర్వ రాష్టప్రతి ప్రణబ్ ముఖర్జీ అన్నారు. భారత్ శక్తి సహనంలో ఉందని, బహుళత్వాన్ని గౌరవించాలని ఆయన పిలుపునిచ్చారు. భారత జాతీయ వాదంలో విశ్వ సౌభ్రాతృత్వం దాగి ఉందని ఆయన అన్నారు.

న్యూఢిల్లీ, జూన్ 7: ప్రజలు ఆరోగ్యంగా ఉన్నప్పుడే దేశం అభివృద్ధి చెందుతుందని ప్రధాన మంత్రి నరేంద్ర మోదీ ఉద్ఘాటించారు. ప్రధాన మంత్రి భారతీయ జన ఔషధ పథకం, కేంద్ర ప్రభుత్వం చేపట్టిన ఇతర ఆరోగ్య సంబంధ పథకాల లబ్ధిదారులతో ప్రధాని వీడియో బ్రిడ్జ్‌ద్వారా సమీక్షించారు. దేశాభివృద్ధికి ప్రజారోగ్యమే మూలమని, 125కోట్ల మంది ప్రజలు ఆరోగ్యంగా ఉన్నప్పుడే గొప్ప దేశం కాగలుగుతుందని స్పష్టం చేశారు.

న్యూఢిల్లీ: పశ్చిమ బెంగాల్ గవర్నర్ కేషరినాథ్ త్రిపాఠికి అదనపు బాధ్యతలు అప్పగించారు. త్రిపుర రాష్ట్ర గవర్నర్‌గా బాధ్యతలు అప్పగిస్తూ రాష్ట్రపతి భవన్ వర్గాలు ఓ ప్రకటనను విడుదల చేశాయి. త్రిపుర ప్రస్తుత గవర్నర్ తతగట రాయ్ సెలవుపై ఉన్నారు. దీంతో పశ్చిమ బెంగాల్ గవర్నర్‌కు రాష్ట్రపతి రామ్‌నాథ్ కోవింద్ త్రిపుర గవర్నర్‌గా అదనపు బాధ్యతలు అప్పగించారు.