న్యూఢిల్లీ, జూన్ 6: ఉగ్రవాదం, పర్యావరణ మార్పులు వంటి కీలక అంశాలపై పోరాటం జరపడంలో భారత్ ముందున్నదని రాష్టప్రతి రామ్‌నాథ్ కోవింద్ అన్నారు. ఇండియన్ ఫారెన్ సర్వీసు ఆఫీసర్-ట్రైనీలతో ఆయన మాట్లాడుతూ, ఈ సర్వీసులో చేరడం ఎంతో ఉత్తేజాన్ని కలిగిస్తుందన్నారు. ‘ప్రపంచ వ్యాప్తంగా భారత్ తన అడుగులను విస్తరిస్తోంది. ప్రపంచంలోని ప్రతి భాగంలో మన ప్రయోజనాలను కాపాడుకుంటున్నాం.

న్యూఢిల్లీ, జూన్ 6: ఎయిర్‌సెల్-మ్యాక్సిస్ కేసులో రెండో విడత విచారణకు జూన్ 12న హాజరుకావాలని ఈడీ మాజీ ఆర్థిక మంత్రి చిదంబరానికి సమన్లు పంపింది. మంగళవారం మొదటి విడతగా ఆయన్ను ఎన్‌ఫోర్స్‌మెంట్ డైరెక్టరేట్ ప్రశ్నించింది. మనీలాండరింగ్ చట్టం కింద ఆయన్ను మొదటిసారి ఆరుగంటలపాటు ప్రశ్నించి ఆయన సమాధానాలను రికార్డు చేసింది.

న్యూఢిల్లీ, జూన్ 6: దేశంలోని యువపారిశ్రామికవేత్తలను ప్రోత్సహించడానికి తమ ప్రభుత్వం పలు చర్యలు తీసుకుంటోందని ప్రధాని నరేంద్ర మోదీ చెప్పారు. దేశంలోని డెహ్రాడూన్, గౌహతి, రాయపూర్ తదితర నగరాల నుంచి వచ్చిన యువ పారిశ్రామికవేత్తలతో ఆయన మాట్లాడుతూ స్టార్టప్‌లు కేవలం పెద్దపెద్ద నగరాలకే పరిమితం కావాలన్న నిర్బంధం ఏమీ లేదని, చిన్నచిన్న పట్టణాలు, గ్రామాల్లో సైతం వీటిని విస్తృతంగా ప్రారంభించాలని సూచించారు.

న్యూఢిల్లీ, జూన్ 6: దేశంలోని చెరుకు రైతులను ఆదుకునేందుకు ఎనిమిది వేల కోట్ల రూపాయల ప్రత్యేక ప్యాకేజీని కేంద్ర ప్రభుత్వం ప్రకటించింది. దేశంలోని గ్రామీణ ప్రాంతాల్లో పని చేస్తున్న రెండు లక్షల అరవై వేల మంది పోస్టల్ సిబ్బంది వేతనాలను గణనీయంగా పెంచారు. చంద్రయాన్(2)ను అక్టోబర్, నవంబర్‌లో ప్రయోగించేందుకు సూత్రప్రాయంగా అంగీకరించారు. చంద్రయాన్(2)లో లాండ్ రోవర్ కూడా ఉంటుంది.