న్యూఢిల్లీ, జూన్ 4: పర్యావరణానికి ముప్పు కల్గిస్తున్న ప్లాస్టిక్ వాడకాన్ని తెలంగాణ రాష్ట్రంలో దశలవారీగా నిషేధిస్తామని తెలంగాణ అటవీ, పర్యావరణ శాఖ మంత్రి జోగు రామన్న వెల్లడించారు. రాష్ట్రంలో 2022 నాటికి పూర్తీ స్థాయిలో ప్లాస్టిక్ వాడకాన్ని నిషేధిస్తామని ఆయన స్పష్టం చేశారు.

న్యూఢిల్లీ, జూన్ 4: అణగారిన వర్గాల జీవితాల్లో వెలుగులు నింపేందుకు, విద్యా ప్రమాణాల పెంపునకు గవర్నర్లు కృషి చేస్తూ మార్పు కారకులుగా వ్యవహరించాలని రాష్టప్రతి రామ్‌నాథ్ కోవింద్ కోరారు. రాష్టప్రతి భవన్‌లో సోమవారం ప్రారంభమైన రెండు రోజుల గవర్నర్ల సదస్సులో ఆయన ప్రసంగించారు. రాష్ట్ర ప్రభుత్వానికి మార్గదర్శకుడిగా వ్యవహరిస్తూ, సమాఖ్య వ్యవస్థలో ఒక ప్రధాన అనుసంధానకర్తగా గవర్నర్ వ్యవహరించాలని కోరారు.

* ఎన్డీయే వ్యూహంపై కాంగ్రెస్ అంచనా సీనియర్లను వేధించే అవకాశం ఉంది
* సోనియా, రాహుల్‌కు సమాచారం అందజేత ఢిల్లీలోనే ఉండండి: ఎంపీలకు రాహుల్ ఆదేశం

న్యూఢిల్లీ, జూన్ 4: ప్రధాన మంత్రి నరేంద్ర మోదీ నాయకత్వంలోని ఎన్‌డీఏ ప్రభుత్వం కేంద్ర ఆర్థిక శాఖ మాజీ మంత్రి పి.చిదంబరంతోపాటు ఐదుగురు సీనీయర్ కాంగ్రెస్ నాయకులు, వారి బంధువులపై అవినీతి కేసులు పెట్టటంతో పాటు, అరెస్టు చేయాలని ఆలోచిస్తున్నట్లు కాంగ్రెస్ భావిస్తోంది. ఐఎన్‌ఎక్స్ మీడియా కేసు విచారణ కోసం ఈనెల 6న సీబీఐ కార్యాలయానికి వెళ్లాల్సి ఉన్న చిదంబరంను అదే రోజు అరెస్టు చేయవచ్చునని అంటున్నారు.