న్యూఢిల్లీ: సుమారు 18 సంవత్సరాలు తమ పార్టీలో వివిధ హోదాల్లో పనిచేసిన జ్యోతిరాదిత్య సింధియా బీజేపీలో చేరడాన్ని కాంగ్రెస్ నాయకుడు రాహుల్‌గాంధీ తప్పుబట్టారు. రాజకీయ భవిష్యత్తుపై అనుమానాలతోనే ఆయన పార్టీ మారారని వ్యాఖ్యానించారు. ‘జ్యోతిరాదిత్య మాటలకు, చేష్టలకు సంబంధం లేదు.. ఆయన మాటలే వేరుగా ఉన్నాయి.. మనసులో మరేదో ఉద్దేశం ఉంది’ అని రాహుల్ అన్నారు.

ముంబయి, మార్చి 12: భారత్‌లో సైతం కరోనా ప్రభావంపై ఆందోళన తీవ్రవౌతున్న సందర్భంగా ముంబయిలోని ప్రైవేటు ఆసుపత్రుల్లో సైతం ఐసొలేషన్ వార్డులతో పాటు కరోనా పరీక్షా కేంద్రాలను ఏర్పాటు చేయాలని ముఖ్యమంత్రి ఉద్ధవ్‌థాక్రే నేతృత్వంలోని రాష్ట్ర ప్రభుత్వం యోచిస్తోంది. ఈమేరకు కేంద్రం నుంచి గుర్తింపు రావాల్సి ఉంటుందని సీనియర్ అధికారులు ముంబయిలో స్పష్టం చేశారు.

రాయ్‌పూర్: మధ్యప్రదేశ్‌లోని కాంగ్రెస్ ప్రభుత్వంలో చోటుచేసుకున్న పరిణామాలపై చత్తీస్‌గఢ్ సీఎం భూపేష్ బఘేల్ ఘాటుగా స్పందించారు. ‘కాంగ్రెస్‌ను తిట్టుకుంటూ, ఆగ్రహంతో బయటకు వెళ్లిన వారు నిశ్శబ్దంగా తిరిగి పార్టీలోకి వస్తారు’అని వ్యాఖ్యానించారు. ఢిల్లీకి బయలుదేరే ముందు స్వామి వివేకానంద విమానాశ్రయంలో ముఖ్యమంత్రి మీడియాతో ముచ్చటించారు.

రాంచీ, మార్చి 11: జేఎంఎం చీఫ్ శిబూ సొరేన్ రాజ్యసభ ఎన్నికల్లో నామినేషన్ దాఖలు చేశారు. 73 ఏళ్ల సొరేన్ జార్ఖండ్ సచివాలయంకు వచ్చి నామినేషన్ వేశారు. ఆయన కుమారుడు, ముఖ్యమంత్రి హేమంత్ సొరేన్ వెంట ఉన్నారు. మంత్రులు రామేశ్వర్ ఓరాన్, అలంగీర్ అలాం, ఇరుపార్టీల ఎమ్మెల్యేలు సచివాలయానికి తరలివచ్చారు. జార్ఘండ్ నుంచి ఆరుగురు రాజ్యసభ సభ్యులున్నారు.