న్యూఢిల్లీ, ఏప్రిల్ 16: వైఎస్‌ఆర్‌సీపీ లోక్‌సభ సభ్యులు తమ సభ్యత్వాలకు చేసిన రాజీనామాలను ఆమోదించే సూచనలు కనిపించటం లేదు. ఐదుగురు లోక్‌సభ సభ్యులు చేసిన రాజీనామాలకు సంబంధించిన ఫైలు ఇంతవరకూ స్పీకర్ సుమిత్రా మహాజన్ ఆమోదానికే వెళ్లలేదు. వైకాపా లోక్‌సభ సభ్యులు మేకపాటి రాజమోహన్ రెడ్డి, వైవీ సుబ్బారెడ్డి, వరప్రసాద్, మిథున్ రెడ్డి, అవినాష్ రెడ్డి ఈ నెల 6న తమ సభ్యత్వాలకు రాజీనామా చేయటం తెలిసిందే.

అహ్మదాబాద్: విశ్వహిందూ పరిషత్‌కు ఇటీవల స్వస్తి పలికిన ప్రవీణ్ తొగాడియా ప్రధాని నరేంద్ర మోదీని లక్ష్యంగా చేసుకుని తీవ్ర స్వరంతో విమర్శలు గుప్పించారు. హిందూత్వ ఆశయం కోసం మంగళవారం నుంచి నిరవధిక నిరసన దీక్షను చేపట్టనున్న ఆయన, ప్రధాని మోదీ తాజాగా చేపట్టిన విదేశీ పర్యటనపైనే ధ్వజమెత్తారు.

చిత్రం: ఎనిమిదేళ్ల చిన్నారి ఆసిఫాపై అత్యాచారానికి పాల్పడి, హత్య చేసిన నిందితులను కఠినంగా శిక్షించాలని జమ్మూలోని జిల్లా కోర్టు వెలుపల నినాదాలిస్తున్న స్థానికులు

న్యూఢిల్లీ, ఏప్రిల్ 16: తన తాజా విదేశీ పర్యటన ద్వారా ఆయా దేశాలతో ద్వైపాక్షిక, ఆర్థిక సంబంధాలకు మరింత బలాన్ని అందించగలదన్న ఆశాభావాన్ని ప్రధాని నరేంద్ర మోదీ వ్యక్తం చేశారు.