ఉత్తరప్రదేశ్‌తో ఇటీవల కొన్ని రాష్ట్రాల్లో రాజ్యాంగ నిర్మాత బీఆర్ అంబేద్కర్ విగ్రహాలను ధ్వంసం చేసిన విషయం తెలిసిందే. ఆ ధ్వంసమైన విగ్రహాల స్థానంలో కొత్త వాటిని ఏర్పాటు చేసేందుకు ఆయా రాష్ట్ర ప్రభుత్వాలు సంకల్పించాయ. ఉత్తరప్రదేశ్‌లోని బదౌన్‌లో ధ్వంసమైన విగ్రహం స్థానే మంగళవారం కొత్త విగ్రహాన్ని ఏర్పాటు చేశారు. అయతే బాబా సాహెబ్ కోటుకు కాషాయ రంగు వేయడం వివాదాస్పదంగా మారింది.

న్యూఢిల్లీ: దేశ ఆర్థిక వృద్ధిని బలోపేతం చేసేందుకు కొన్ని జిల్లాలను పరిపుష్టి చేయాలని కేంద్రం నిర్ణయించింది. అందులో భాగంగా విశాఖ, వారణాశి, రత్నగిరి, సింధుదుర్గ్ జిల్లాలను పైలెట్ ప్రాజెక్టుగా తీసుకొని మొదటి దశలో అభివృద్ధి చేసేందుకు కేంద్రం ప్రభుత్వం ఎంపిక చేసింది. మంగళవారం కేంద్ర వాణిజ్య శాఖ మంత్రి సురేష్ ప్రభు నేతృత్వంలో ఉన్నతాధికారులతో సమావేశం జరిగింది.

ఇబ్రహీంపట్నం, ఏప్రిల్ 10: జాతీయ రక్షణ దళంతో దేశ భద్రత మరింత పటిష్టమని కేంద్ర హోంమంత్రి రాజ్‌నాథ్‌సింగ్ పునరుద్ఘాటించారు. ఇబ్రహీంపట్నం మండల పరిధిలోని వినోభానగర్‌లోని దేశ రక్షణ దళం (నేషనల్ సెక్యూరిటీ గార్డ్స్-ఎన్‌ఎస్‌జీ) 28 స్పెషల్ కాంపోజిట్ గ్రూప్ (ఎస్సీజీ) కాంప్లెక్స్‌ను మంగళవారం ఆయన రాష్ట్ర గవర్నర్ నరసింహన్, హోం మంత్రి నాయిని నర్సింహారెడ్డి, ఎన్‌ఎస్‌జీ ప్రతినిధులతో కలిసి ప్రారంభించారు.

పెహల్గామ్: 2015 సివిల్ సర్వీస్ ఎగ్జామ్‌లో టాప్ ర్యాంక్ సాధించిన 24 ఏళ్ల దళిత అమ్మాయి టీనా దాబి, అదే ఏడాది రెండవ ర్యాంక్ సాధించిన అత్తర్ అమిర్ ఉల్ షఫిలు కశ్మీర్‌లోని పెహల్గామ్‌లో పెళ్లి చేసుకున్నారు. ఈ కొత్త దంపతులకు కాంగ్రెస్ పార్టీ అధ్యక్షుడు రాహుల్ గాంధీ కంగ్రాట్స్ చెప్పారు. అసహనం పెరుగుతున్న ఈ రోజుల్లో మీ కలయిక భారతీయులకు ఆదర్శంగా నిలువాలని ఆశిస్తున్నట్లు రాహుల్ ట్వీట్ చేశారు.