న్యూఢిల్లీ, మార్చి 10: సరైన నిధులు అందక కొన్ని పథకాలు నీరసించి పోతుంటే, నిధులుండీ వినియోగించుకోలేక కొన్ని శాఖలు అలసత్వంలో కొట్టుమిట్టాడుతున్నాయి. పట్టణాభివృద్ధికి సంబంధించి కేంద్ర ప్రభుత్వం అత్యంత ప్రతిష్ఠాత్మకంగా ప్రవేశపెట్టిన పథకాల్లో నిధులను సద్వినియోగం చేయకపోవడాన్ని పార్లమెంటరీ ప్యానల్ దృష్టికి వచ్చింది.

న్యూఢిల్లీ, మార్చి 10: సంఘర్షణలు, ఉద్యమాలే పరమావధిగా సాగిన కరడుగట్టిన రాజకీయాలకు కాలం చెల్లిందని ప్రధాని నరేంద్ర మోదీ అన్నారు. ఒకప్పుడు ఈ రకమైన రాజకీయాలు అప్పటి సామాజిక అవసరాలను బట్టి కొనసాగినా ఇప్పుడు వాటికి ఏమాత్రం ఆస్కారం లేదని పేర్కొన్న ఆయన దేశంలో ఆశించిన స్థాయిలో అభివృద్ధి చెందని 115 జిల్లాల ప్రగతికి నడుం బిగించాలని చట్టసభ సభ్యులకు పిలుపునిచ్చారు.

అజంగఢ్, మార్చి 10: త్రిపురలో లెనిన్ విగ్రహం ధ్వంసం తరువాత ఆగంతకుల దురాగతాలు దేశవ్యాప్తంగా పాకాయి. ఉత్తరప్రదేశ్‌లోని రాజపట్టీ గ్రామంలో రాజ్యాంగ నిర్మాత బాబాసాహెబ్ అంబేద్కర్ విగ్రహాన్ని దుండగులు ధ్వంసం చేశారు. అంబేద్కర్ విగ్రహం తలను గుర్తుతెలియని వ్యక్తులు కొట్టేశారని పోలీసులు వెల్లడించారు. కెప్టెన్‌గంజ్ పోలీసుస్టేషన్ పరిధిలో శనివారం ఉదయం ఈ సంఘటన జరిగింది.

న్యూఢిల్లీ, మార్చి 10: తెలంగాణకు గత మూడున్నరేళ్లలో కేంద్రం నుంచి అదనంగా పైసాకూడా రాలేదని రాష్ట్ర ఐటీ, మున్సిపల్ మంత్రి కె తారకరామారావు దుయ్యబట్టారు. ఎన్డీయే గత మూడున్నరేళ్లలో మిత్రులకంటే శత్రువలనే అధికంగా సంపాదించుకుందన్నారు. ఇప్పటికైనా వాస్తవ పరిస్థితులు అర్థం చేసుకోవాలని అన్నారు.