న్యూఢిల్లీ: కారుణ్య మరణానికి అనుమతిస్తూ సుప్రీం కోర్టు చారిత్రక తీర్పు వెలువరించింది. భారత ప్రధాన న్యాయమూర్తి దీపక్ మిశ్రా నేతృత్వంలోని ఐదుగురు న్యాయమూర్తుల ధర్మాసనం కారుణ్య మరణాలపై తీర్పు వెలువరించింది. ‘‘గౌరవంగా మరణించే హక్కు మనుషులకు ఉంది..’’ అని ఈ సందర్భంగా ధర్మాసనం వ్యాఖ్యానించింది. అయితే కొన్ని ప్రత్యేక పరిస్థితుల్లో మాత్రమే కారుణ్య మరణానికి అనుమతించాలని మార్గదర్శకాలు జారీ చేసింది.

న్యూఢిల్లీ: టిడిపి ఎంపీల ఆందోళనలతో పార్లమెంటు ఉభయసభలు వాయిదా పడ్డాయి. శుక్రవారం ఉదయం ప్రారంభమైన కొద్దిసేపటికే వాయిదా పడ్డాయి. విభజన హామీల అమలులో జాప్యాన్ని నిరసిస్తూ టిడిపి ఎంపీలు లోక్‌సభలో ఆందోళనకు దిగారు. వెల్‌లోకి దూసుకెళ్లి నిరసన తెలిపారు. దీంతో సభలో గందరగోళం నెలకొనడంతో స్పీకర్ సభను వాయిదా వేశారు.

కోహిమా, మార్చి 8: నాగాలాండ్ నూతన ముఖ్యమంత్రిగా ఎన్‌డీపీపీ నేత నీఫియు రియో గురువారం ప్రమాణ స్వీకారం చేయించారు. గవర్నర్ పీబీ ఆచార్య రియోతో ప్రమాణ స్వీకారం చేయించారు. నాగాలాండ్ ముఖ్యంత్రి పదవి చేపట్టడం ఇది నాలుగోసారి. బీజేపీ భాగస్వామ్యంతో పీపుల్స్ డెమోక్రటిక్ అలయెన్స్ తరఫున రియో ప్రభుత్వం ఏర్పాటైంది. బీజేపీ నేత వై పట్టాన్ రాష్ట్ర ఉప ముఖ్యమంత్రిగా ప్రమాణం చేశారు.

చెన్నై, మార్చి 8: ద్రవిడ ఉద్యమ నేత ఇవి రామస్వామి పెరియార్‌పై బీజేపీ నేత హెచ్ రాజా చేసిన వ్యాఖ్యలు అనాగరికమేనని తమిళ సూపర్‌స్టార్ రజనీకాంత్ అభిప్రాయపడ్డారు. అయితే, తన వ్యాఖ్యలను తొలగించి పచ్చాత్తాపాన్ని వ్యక్తం చేసిన నేపథ్యంలో వివాదానికి ఫుల్‌స్టాప్ పెట్టడమే మంచిదని సూచించారు.