న్యూఢిల్లీ, మార్చి 8: ఆంధ్రప్రదేశ్‌కి న్యాయం చేయాలని రాష్ట్రానికి చెందిన ఎంపీలు పార్లమెంట్‌లో నిరసనను కొనసాగించారు. గురువారం ఉదయం పార్లమెంట్ అవరణలో ఉన్న గాంధీ విగ్రహం వద్ద టీడీపీ ఎంపీలు విభజన హామీలు అమలు చేయాలని ఫ్లకార్డులు చేతబట్టి నిరసన తెలిపారు. మరోవైపు వైఎస్‌ఆర్‌సీపీ ఎంపీలు ప్రత్యేక హోదా కోరుతూ పార్లమెంట్ ప్రధాన ద్వారం వద్ద ఆందోళన కొనసాగించారు.

న్యూఢిల్లీ, మార్చి 8: తెలుగుదేశం పార్టీ జాతీయ అధ్యక్షుడు, ముఖ్యమంత్రి నారా చంద్రబాబు నాయుడు ఆదేశం మేరకు కేంద్ర పౌరవిమానయాన శాఖ మంత్రి అశోక్‌గజపతిరాజు, సైన్సు,టెక్నాలజీ శాఖ సహాయ మంత్రి సుజనా చౌదరి గురువారం సాయంత్రం ఆరు గంటలకు తమ రాజీనామా లేఖలను ప్రధాన మంత్రి నరేంద్ర మోదీకి అందజేశారు.

న్యూఢిల్లీ: మన దేశంలో ఎప్పటినుంచో స్త్రీలను ఆరాధించడం, గౌరవించడం సంప్రదాయంగా వస్తోందని అంతర్జాతీయ మహిళా దినోత్సవం సందర్భంగా మధ్యప్రదేశ్ ముఖ్యమంత్రి శివరాజ్ సింగ్ చౌహాన్ పేర్కొన్నారు. భోపాల్‌లో ఇవాళ ఆయన మహిళల కోసం కొత్తగా ‘‘ముఖ్యమంత్రి మహిళా కోశ్’’ పథకాన్ని ఆవిష్కరించారు. వివాహం కాని 50 యేళ్లు పైబడిన ఒంటరి మహిళలకు ఈ పథకం కింద పెన్షన్ అందించనున్నట్టు ప్రకటించారు.

న్యూఢిల్లీ: పార్లమెంట్‌తో పాటు అసెంబ్లీల్లోనూ మ‌హిళ‌ల‌కు 33 శాతం రిజ‌ర్వేష‌న్ క‌ల్పించాల‌ని మహిళా ఎంపీలంతా డిమాండ్ చేశారు. అంతర్జాతీయ మహిళా దినోత్సవం సందర్భంగా మహిళా ఎంపీలు రాజ్యస‌భ‌లో మాట్లాడారు. మహిళా రిజర్వేషన్ బిల్లు ఇంకా పెండింగ్‌లో ఉందని సీనియర్ కాంగ్రెస్ నేత అంబికా సోనీ అన్నారు. మహిళా బిల్లుకు ఆమోదం దక్కాలంటే రాజకీయ విశ్వాసం ఉండాలని ఎంపీ రేణుకా చౌదరి అన్నారు.