శ్రీనగర్: శ్రీనగర్‌లో మరో ఉగ్రవాది జనజీవన స్రవంతిలోకి వచ్చాడు. తల్లి పిలుపునకు స్పందించిన ఈ ఉగ్రవాది హృదయం తన ఉగ్రవాద కార్యకలపాలను వీడి జనజీవన స్రవంతిలోకి వచ్చినట్లు డీజీపీ ఎస్‌పీ వైద్ వెల్లడించారు. ఈ మేరకు ఆయన శుక్రవారం ఈ విషయాన్ని ట్వీట్ చేవారు. ఆ యువకుడి కుటుంబానికి డీజీపీ శుభాకాంక్షలు తెలియజేశారు.

ముంబై : దేశం గ‌ర్వించ‌ద‌గ్గ ద‌ర్శకుల‌లో మ‌ణిర‌త్నం ఒక‌రు. మేలిమి ముత్యాల్లాంటి సినిమాల‌ని తీసిన మ‌ణిర‌త్నంని బెంగ‌ళూర్ ఫిలిం ఫెస్టివ‌ల్‌(బిఐఎఫ్ఎఫ్‌)లో లైఫ్ టైమ్ అచీవ్‌మెంట్ అవార్డుతో స‌త్కరించారు. మ‌హారాష్ట్ర గ‌వ‌ర్నర్‌తో పాటు ఆ రాష్ట్ర సీఎం చేతుల మీదుగా మ‌ణిర‌త్నం ఈ అవార్డు అందుకున్నారు. విదాన‌సౌద‌లో జ‌రిగిన ఈవెంట్‌లో మ‌ణిరత్నంకి ప‌ది ల‌క్షల న‌గ‌దు, ప్రశంసా ప‌త్రంతో పాటు మోమెంటోని అందించారు.

న్యూఢిల్లీ: ఎయిర్‌సెల్‌-మ్యాక్సిస్‌ ఒప్పందానికి ఎఫ్‌ఐపీబీ అనుమతిని చిదంబరం ఎలా ఇప్పించారని దర్యాప్తు సంస్థలు ప్రశ్నిస్తున్నాయి. ఈ వ్యవహారంలో చిదంబరం పాత్రపై దర్యాప్తు జరుపుతున్నామని సీబీఐ తెలిపింది. ఇదే కేసులో స్థాయి నివేదికను సమర్పించాల్సిందిగా సీబీఐని ఈ ఏడాది జనవరి 4న సుప్రీంకోర్టు ఆదేశించింది.

మదురై: పోలీసులు జరిపిన ఎన్‌కౌంటర్‌లో ఇద్దరు రౌడీలు మరణించారు. మదురైలో పలు చోరీల కేసులతో సంబంధమున్న ముత్తు ఇరుళాండి, శకుని కార్తి అనే రౌడీలు కోసం పోలీసులు గాలింపు చర్యలు చేపట్టారు. మదురై-దిండుకల్‌ రోడ్డులోని సిక్కందర్‌ చావడిలో వీరితో పాటు మరో ముగ్గురు రౌడీలు ఉన్నట్లు పోలీసులకు సమాచారం అందింది. దీంతో పోలీసులు అక్కడికి చేరుకోగానే రౌడీలు కాల్పులు జరిపారు.