న్యూఢిల్లీ, ఫిబ్రవరి 13: కేంద్ర బడ్జెట్‌లో ఓబీసీల సంక్షేమానికి కేటాయింపులు 41 శాతం పెంచినట్టు కేంద్ర సామాజిక న్యాయం, సాధికారిత మంత్రి థావర్‌చంద్ గెహ్లాట్ వెల్లడించారు. 2016-17 బడ్జెట్‌లో 12.10 శాతం అంటే 6,908 కోట్ల రూపాయలు కేటాయించగా 2018-19 బడ్జెట్‌లో 41 శాతానికి పెంచినట్టు మంత్రి స్పష్టం చేశారు. అంటే 7,750 కోట్ల రూపాయలు ఓబీసీల కోసం కేటాయించినట్టు ఆయన తెలిపారు.

న్యూఢిల్లీ, ఫిబ్రవరి 13: దేశంలో డాక్టర్ల కొరత తీర్చి, మెరుగైన వైద్య సేవలు అందించేందుకు కేంద్రం కసరత్తు చేస్తోంది. ముఖ్యంగా గ్రామీణ ప్రాంతాల్లోని ప్రజలకు సంతృప్తికరమైన వైద్య అవసరాలు తీర్చాలని యోచిస్తున్నట్టు నీతి ఆయోగ్ సీఈవో అమితాబ్ కాంత్ వెల్లడించారు. జిల్లా కేంద్రాల్లోని ఆసుపత్రులకు వైద్య కళాశాలల స్థాయికి పెంచనున్నట్టు మంగళవారం ఇక్కడ తెలిపారు.

న్యూఢిల్లీ, ఫిబ్రవరి 13: దేశవ్యాప్తంగా బీసీ రిజర్వేషన్లలో అమలవుతున్న క్రీమీలేయర్‌ను ఎత్తివేయాలని కాంగ్రెస్ సీనియర్ నాయకుడు వీ హనుమంతరావు డిమాండ్ చేశారు. మంగళవారం హనుమంతరావు విలేఖరులతో మాట్లాడుతూ క్రీమీలేయర్ కారణంగా బీసీలకు అన్యాయం జరుగుతోందని ఆవేదన వ్యక్తం చేశారు. క్రీమీలేయర్ మూలంగా ప్రభుత్వ ఉద్యోగాల్లో తొమ్మిది శాతానికి రిజర్వేషన్లు మించడం లేదని అన్నారు.

జమ్మూకశ్మీర్: శ్రీనగర్‌లో ఇద్దరు ఉగ్రవాదులను భద్రతాదళాలు హతమార్చాయి. 24 గంటలపాటు సాగిన ఎదురుకాల్పుల్లో వారు హతమయ్యారు. ఎన్‌కౌంటర్ సందర్భంగా కొందరు స్థానికులు భద్రతాదళాలపై రాళ్లు రువ్వారు. వారిని అక్కడి నుంచి తరిమివేసి సైన్యం ఆ ప్రాంతం మొత్తాన్ని తమ ఆధీనంలోకి తీసుకుంది. మరికొందరు ఉగ్రవాదులు ఆ ప్రాంతంలో ఉండవచ్చన్న అనుమానంతో సైనికులు గాలింపుచర్యలు చేపట్టారు.