న్యూఢిల్లీ, ఫిబ్రవరి 11: విద్య, సాహిత్య అధ్యయనాన్ని కేవలం ఉపాధి, వ్యాపారానికే పరిమితం చేయకుండా జ్ఞాన సముపార్జనకు సాధనంగా ఉపయోగించుకోకొవాలని హార్వర్డ్ విద్యార్థులకు కేంద్రీయ హిందీ సమితి సభ్యుడు యార్లగడ్డ లక్ష్మీప్రసాద్ హితవు పలికారు. అమెరికాలోని బోస్టన్‌లో ప్రతి ఏడాది జరిగే భారతీయ ఉత్సవం-2018 సమ్మేళనంలో భారతీయ సాహిత్యంపై జరిగిన చర్చా గోష్టిలో ప్రధానకర్తగా యార్లగడ్డ పాల్గొన్నారు.

జమ్మూ, ఫిబ్రవరి 10: పాకిస్తాన్ వ్యతిరేక నినాదాలతో జమ్మూ కాశ్మీర్ అసెంబ్లీ అట్టుడికింది. శనివారం తెల్లవారుఝామున సుంజువాన్ ఆర్మీ క్యాంపుపై విరుచుకుపడిన ఉగ్రవాదులు, ఇద్దరు సైనికుల ప్రాణాలు పొట్టనపెట్టుకున్న ఘటనను అసెంబ్లీ తీవ్రంగా పరిగణించింది. ఘటనపై అత్యవసరంగా సమావేశమైన అసెంబ్లీలో పార్టీలకు అతీతంగా సభ్యులు ఉగ్రవాద వ్యతిరేక నినాదాల చేశారు.

అగర్తల, ఫిబ్రవరి 10: త్రిపుర అసెంబ్లీ ఎన్నికల్లో 297 మంది పోటీ చేస్తుండగా 22 మందిపై క్రిమినల్ కేసులున్నాయి. ప్రజాస్వామ్య సంస్కరణల పేరుతో పనిచేస్తున్న స్వచ్ఛంద సంస్థ జరిపిన అధ్యయనంలో అభ్యర్థుల ‘జాతకాలు’ వెల్లడయ్యాయి. 17 మంది అభ్యర్థులపై ఉన్నవి చిన్నాచితకా కేసులు కాదు. దోపిడీలు, హత్యలు, అత్యాచారం వంటి తీవ్రమైన నేరాలకు పాల్పడినట్టు కేసులు నమోదయ్యాయి.

అగర్తల, ఫిబ్రవరి 10: త్రిపురలో శాంతి, సామరస్య వాతావరణాన్ని భగ్నం చేయడానికి భారతీయ జనతా పార్టీ (బీజేపీ) ప్రయత్నిస్తోందని అధికార వామపక్ష ఫ్రంట్ నిప్పులు చెరిగింది. అభివృద్ధే లక్ష్యంగా వామక్ష ఫ్రంట్ పనిచేస్తుంటే రాజకీయ ప్రయోజనాలు ఆశించి బీజేపీ దురుద్దేశంతో వ్యవహరిస్తోందని త్రిపుర లెఫ్ట్ ఫ్రంట్ కన్వీనర్ బిజన్ ధర్ ఆరోపించారు.