జమ్మూ, ఫిబ్రవరి 10: నగర శివార్లలోని సంజ్‌వాన్ సైనిక స్థావరంపై శనివారం వేకువ జామున జైషే ఉగ్రవాదులు జరిపిన దాడుల్లో ఇద్దరు సైనికాధికారులు మృతి చెందారు. ఓ కల్నర్ ర్యాంక్ అధికారి, ఓ సైనికాధికారి కుమార్తెతోపాటు ఆరుగురు గాయపడ్డారు. అప్రమత్తమైన భద్రతాదళాలు జరిపిన ఎదురుకాల్పుల్లో ముగ్గురు ఉగ్రవాదులు హతమయ్యారు.

న్యూఢిల్లీ, ఫిబ్రవరి 9: రాష్టప్రతి రామ్‌నాథ్ కోవింద్ ఉభయ సభల సభ్యులను ఉద్దేశించి ప్రసంగించం ద్వారా గతనెల 29న ప్రారంభమైన బడ్జెట్ సమావేశాలు మార్చి 5వ తేదీ వరకూ వాయిదా పడ్డాయి. ఆరు రోజుల పాటు సమావేశాలు జరిగిన తరువాత వచ్చేనెల 5కు వాయిదా వేస్తూ లోక్‌సభ స్పీకర్ సుమిత్రా మహాజన్ ప్రకటించారు. శుక్రవారం నాడు లోక్‌సభ కేవలం 15 నిముషాలు నడిచింది.

న్యూఢిల్లీ, ఫిబ్రవరి 9: ఆంధ్రప్రదేశ్ విభజన హామీల అమలుకోరుతూ పార్లమెంట్‌లో రాష్ట్ర ఎంపీలు వరుసగా నాలుగోరోజూ నిరసన కొనసాగించారు. శుక్రవారం తెదేపా, వైకాపా, కాంగ్రెస్ ఎంపీలు వివిధ రూపాల్లో పార్లమెంట్ లోపల, బయటా ఆందోళన కొనసాగించారు. విభజన హామీల అమలు, కేంద్ర బడ్జెట్‌లో ఏపీకి జరిగిన అన్యాయంపై పార్లమెంట్ ఆవరణలో తెదేపా ఎంపీలు నిరసన కొనసాగించారు.

న్యూఢిల్లీ, ఫిబ్రవరి 9: తెలంగాణకు కేంద్ర బడ్జెట్‌లో అరకొరగా నిధులు కేటాయింపుజరిగిందని టీఆర్‌ఎస్ ఎంపీ కే కేశవరావుఆరోపించారు. నిధుల విషయంలో కేంద్రంపై పోరాడి సాధించుకుంటామని శుక్రవారం ఆయన హెచ్చరించారు. బడ్జెట్‌పై జరిగిన చర్చలో పాల్గొన్న కేకే ఆంధ్రాకు అన్యాయం జరిగిందంటూ ఆ రాష్ట్రానికి చెందిన ఎంపీలు చేస్తున్న పోరాటంపై స్పందిస్తూ అసలు సభలో ఏం జరుగుతోందని ప్రశ్నించారు.