హైదరాబాద్, జనవరి 2: సికింద్రాబాద్ ఆర్మీ విభాగం 2017లో రెండు అతి ప్రతిష్టాత్మకమైన కార్యక్రమాలను నిర్వహించి ప్రపంచ రికార్డులను నెలకొల్పినందుకు తెలంగాణ పర్యాటక అభివృద్ధి సంస్ధ ఎండి డాక్టర్ క్రిస్టినా జడ్ చోగ్తూ అభినందించారు. 2017లో జరిగిన ఆర్మీడే సందర్భంగా అతి పెద్ద స్వచ్చంద రక్త దానం, అవగాహన శిబిరాన్ని సికింద్రాబాద్ ఆర్మీ నిర్వహించింది.

కోల్‌కతా, జనవరి 1: దేశ చరిత్రను వక్రీకరించడానికి ప్రయత్నాలు జరుగుతున్నాయని, అవి అత్యంత ప్రమాదకరమని ఇండియన్ హిస్టరీ కాంగ్రెస్ జనరల్ ప్రెసిడెంట్ కేఎం షరిమలీ హెచ్చరించారు. ఆర్‌ఎస్‌ఎస్-బీజేపీ హిందుత్వం అజెండాగా పనిచేస్తున్నాయని ఆరోపించారు. మతప్రాతిపదికపై దేశాన్ని విడదీయడానికి కుట్ర జరుగుతోందని ఢిల్లీ యూనివర్శిటీ చరిత్ర విభాగం మాజీ ప్రొఫెసర్ విమర్శించారు.

న్యూఢిల్లీ, జనవరి 1: పార్లమెంట్‌లో అత్యంత తక్కువ ధరలకు లభించే ఆహారం మరింత రుచికరంగా అందించేందుకు రైల్వే శాఖ సమాయత్తం అవుతోంది. ప్రస్తుతం రైల్వే శాఖ నేతృత్వంలో పార్లమెంట్‌లో నడిచే క్యాంటీన్‌లో నూతన పాలసీ ప్రకారం ప్రముఖ సంస్థల్లో శిక్షణ పొందిన, అర్హత ఉన్నవారిని మాత్రమే క్యాంటీన్ సిబ్బందిగా తీసుకోవాలని నిర్ణయం తీసుకున్నారు.

న్యూఢిల్లీ, జనవరి 1: భారతదేశ శక్తిసామర్థ్యాలను బయటి ప్రపంచానికి తెలియజేసేందుకు సైనికులు దృఢచిత్తం, రెట్టించిన ఉత్సాహంతో ముందుకు సాగాలని ఆర్మీ చీఫ్ జనరల్ బిపిన్ రావత్ పిలుపునిచ్చారు. కొత్త సంవత్సరం ఆరంభం సందర్భంగా సోమవారం ఆయన ఈ మేరకు సైనికులను ఉద్దేశించి ఒక సందేశం ఇచ్చారు. గత యేడాది ఇంట, బయట ఎదురైన ఎన్నో సవాళ్లను దీటుగా ఎదుర్కొనేందుకు సైనికులు చూపిన చొరవ, తెగువలను ఆయన అభినందించారు.