చెన్నై, డిసెంబర్ 31: ఏడాది అంతంలో తమిళ రాజకీయాల్లో పెను సంచలనం చోటుచేసుకుంది. కొంతకాలంగా అంచనాలకే పరిమితమైన రజనీ రాజకీయ పార్టీ ఆవిర్భావ ప్రకటన వెలువడింది. చెన్నైలో వారం రోజులుగా సాగుతోన్న నాటకీయ ఫక్కీకి తమిళ తలైవా తెరదించుతూ, మనసులో మాట ప్రకటించారు. ఆదివారం అభిమానులతో సమావేశం నిర్వహించి రాజకీయ పార్టీ ఆవిర్భావంపై బహిరంగ ప్రకటన చేశారు.

ముంబయి ఇండియన్ ఇనిస్టిట్యూట్ ఆఫ్ టెక్నాలజీ నిర్వహిస్తున్న టెక్‌ఫెస్ట్ 2017లో ప్రత్యేక ఆకర్షణగా నిలిచిన సోఫియా. ప్రపంచంలోనే మొట్టమొదటి రోబో సిటిజన్‌గా దీనికి గుర్తింపు లభించింది.

బెంగళూరు, డిసెంబర్ 30: ‘భారత్‌లో మానసిక అనారోగ్యం అంటువ్యాధిలా ప్రబలుతోంది. 2022నాటికి ఈ పరిస్థితిని రూపుమాపడానికి సమాయత్తంకండి’ అని రాష్టప్రతి రామ్‌నాథ్ కోవింద్ పిలుపునిచ్చారు. బెంగళూరులో శనివారం జరిగిన మానసిక ఆరోగ్యం, నాడీశాస్త్ర జాతీయ కేంద్రం (ఎన్‌ఐఎంహెచ్‌ఎఎన్‌ఎస్) 22వ స్నాతకోత్సవంలో యువ వైద్యులకు పిలుపునిస్తూ, జనాభా ప్రాతిపదికన భారత్‌లో మరింతమంది మానసిక ఆరోగ్య నిపుణుల అవసరం ఉందన్నారు.

న్యూఢిల్లీ, డిసెంబర్ 30: దేశంలోనే కాకుండా, ప్రపంచవ్యాప్తంగా 2017 సంవత్సరంలో తెలుగువారి గౌరవం పెరిగిందని కేంద్ర పౌర విమానయాన శాఖ మంత్రి అశోక్ గజపతిరాజు పేర్కొన్నారు. శనివారం ఢిల్లీ ఆంధ్రా అసోసియేషన్ 2018 క్యాలెండర్‌ను ఆయన అవిష్కరించారు. ఈ కార్యక్రమానికి కేంద్ర సమాచార శాఖ కమిషనర్ మాడభూషి శ్రీధర్, ఆంధ్రా భవన్ రెసిడెంట్ కమిషనర్ ప్రవీణ్ ప్రకాశ్, ఆంధ్రా అసోసియేషన్ ప్రతినిధులు పాల్గొన్నారు.