S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

04/12/2016 - 16:47

దిల్లీ: హైదరాబాద్ సెంట్రల్ యూనివర్సిటీలో ఆత్మహత్య చేసుకున్న దళిత విద్యార్థి వేముల రోహిత్ కుటుంబాన్ని ఆదుకుంటానన్న దిల్లీ సిఎం కేజ్రీవాల్ తన మాట నిలుపుకున్నారు. రోహిత్ తమ్ముడు రాజాకు దిల్లీ ప్రభుత్వంలో గుమస్తా ఉద్యోగాన్ని ఇస్తూ ఆయన ఆదేశాలు జారీ చేశారు. అయితే, ఆ ఉద్యోగంలో చేరాలా? వద్దా? అనే విషయమై ఇంకా ఏమీ నిర్ణయించుకోలేదని రాజా చెబుతున్నారు.

04/12/2016 - 16:47

కొల్లం: కేరళలోని కొల్లం జిల్లా పుట్టింగళ్ ఆలయం వద్ద బాణసంచా పేలుడు ఘటనలో నిందితులైన ఏడుగురు ఆలయ కమిటీ సభ్యులు మంగళవారం పోలీసుల ఎదుట లొంగిపోయారు. బాణసంచా వల్ల మంటలు వ్యాపించి వందమందికిపైగా మరణించడంతో ఆలయ కమిటీ సభ్యులపైన, బాణసంచా కాంట్రాక్టర్లపైన వివిధ సెక్షన్ల కింద పోలీసులు కేసులు నమోదు చేశారు. ఈ ఘటనలో సోమవారం అయిదుగురిని పోలీసులు అరెస్టు చేశారు.

04/12/2016 - 16:46

ముంబయి: ‘బాలికా వధు’ ఫేమ్ టీవీ నటి ప్రత్యూష అనుమానాస్పద మృతి కేసులో నిందితుడైన ఆమె ప్రియుడు రాహుల్ సింగ్‌కు స్థానిక కోర్టు మంగళవారం ముందస్తు బెయిల్ మంజూరు చేసింది. ఈ నెల 18కి కేసు విచారణను వాయిదా వేశారు. రాహుల్‌కు బెయిల్ పొడిగించాలా? అరెస్టు చేయాలా? అనే విషయాన్ని 18న కోర్టు నిర్ణయిస్తుంది.

04/12/2016 - 16:45

దిల్లీ: మే నెల రాకముందే దేశవ్యాప్తంగా అనేక రాష్ట్రాల్లో వేసవి ఎండలు ప్రజలను హడలెత్తిస్తున్నాయి. పగటి ఉష్ణోగ్రతలు అధికం కావడంతో జనం ఇళ్ల నుంచి బయటకు వెళ్లేందుకు భయపడుతున్నారు. ఎపి, తెలంగాణ, ఒడిశా, యుపి, దిల్లీ, జార్ఖండ్ తదితర రాష్ట్రాల్లో వడగాలుల జోరు పెరిగింది. ఒడిశాలో ఒక్కరోజులోనే 19 మంది ఎండదెబ్బకు మరణించడంతో ఆ రాష్ట్రంలో స్కూళ్లకు ఈనెల 20 వరకూ సెలవులు ప్రకటించారు.

04/12/2016 - 14:15

దిల్లీ: తీవ్ర దుర్భిక్ష పరిస్థితులను ఎదుర్కొంటున్న మహారాష్టల్రోని లాతూరు ప్రాంతానికి రెండు నెలలపాటు రోజుకు పదిలక్షల లీటర్లను ఉచితంగా సరఫరా చేస్తామని దిల్లీ సిఎం కేజ్రీవాల్ హామీ ఇచ్చారు. కరవు ప్రాంతంలో ప్రజలను ఆదుకోవాలన్న ఆశయంతోనే నీటిని సరఫరా చేసేందుకు ముందుకొచ్చామని ఆయన ట్విట్టర్‌లో పేర్కొన్నారు.

04/12/2016 - 14:03

దిల్లీ: ఇక్కడి రాష్టప్రతి భవన్‌లో మంగళవారం ఉదయం రాష్టప్రతి ప్రణబ్ ముఖర్జీ పలువురు ప్రముఖులకు పద్మ పురస్కారాలను అందజేశారు. ఈ సందర్భంగా ఉప రాష్టప్రతి అన్సారీ, ప్రధాని మోదీ, కేంద్ర మంత్రులు రాజ్‌నాథ్ సింగ్, వెంకయ్యనాయుడు, బిజెపి అధ్యక్షుడు అమిత్ షా తదితరులు హాజరయ్యారు. సినీ నటుడు రజనీకాంత్, పత్రికాధిపతి రామోజీరావు, వికె ఆత్రే, గిరిజాదేవి, శాంతా విశ్వనాథన్‌లకు పద్మవిభూషణ్ అవార్డులను అందజేశారు.

04/12/2016 - 12:13

ఆగ్రా: బ్రిటన్ రాకుమారుడు విలియం, ఆయన భార్య కేట్ మిడిల్టన్ ఈనెల 16న ఇక్కడి తాజ్‌మహల్‌ను సందర్శించేందుకు వస్తున్నందున పోలీసులు భారీగా భద్రతా ఏర్పాట్లు చేస్తున్నారు. ఐఎస్‌ఐఎస్ తీవ్రవాద సంస్థకు సానుకూలంగా ఉంటున్న పాక్, ఇరాన్, ఇరాక్, టర్కీ దేశాలకు చెందిన వారికి ఇక్కడి హోటళ్లలో గదులు ఇవ్వరాదంటూ నిషేధాజ్ఞలు విధించారు. ఆగ్రా పరిసర ప్రాంతాల్లో క్షుణ్ణంగా సోదాలు చేస్తున్నారు.

04/12/2016 - 12:13

దిల్లీ: ఇక్కడి రాష్టప్రతి భవన్‌లో మంగళవారం ఉదయం పలువురు ప్రముఖులకు రాష్టప్రతి ప్రణబ్ ముఖర్జీ పద్మవిభూషణ్, పద్మభూషణ్ పురస్కారాలను అందజేశారు. సినీనటుడు రజనీకాంత్, గిరిజాదేవి, పత్రికాధిపతి రామోజీరావు తదితరులకు పద్మవిభూషణ్, క్రీడాకారిణి సానియా మీర్జా, గాయకుడు ఉదిత్ నారాయణ్, సాహితీవేత్త యార్లగడ్డ లక్ష్మీప్రసాద్ తదితరులకు పద్మభూషణ్ అవార్డులను అందజేశారు.

04/12/2016 - 12:12

ముంబయి: తీవ్ర దుర్భిక్ష పరిస్థితులు నెలకొన్న మరట్వాడా ప్రాంతంలోని లాతూరుకు మంగళవారం ఉదయం నీటి రైలు చేరుకుంది. సుమారు 300 కిలోమీటర్ల దూరంలోని మిరాజ్ రైల్వే స్టేషన్ నుంచి పది వ్యాగన్లలో ఏభై లక్షల లీటర్ల నీటిని తొలివిడతగా లాతూరుకు అధికారులు తరలించారు. ఏభై వ్యాగన్ల ద్వారా నీటిని తరలించాలని ప్రతిపాదించినా దూరం ఎక్కువ కావడంతో పది వ్యాగన్లకే పరిమితం చేశారు.

04/12/2016 - 12:21

ముంబయి: మహారాష్టల్రోని థానే జిల్లా భివాండీ పారిశ్రామిక ప్రాంతంలో మంగళవారం ఉదయం ఓ వస్త్ర పరిశ్రమలో నాలుగు అంతస్థుల భవనంలో మంటలు చెలరేగాయి. సమాచారం అందిన వెంటనే 12 అగ్నిమాపక శకటాలను రంగంలోకి దించారు. ఈ భవనంలో 80 మంది చిక్కుకున్నారని, ఇప్పటికే కొంతమందిని క్షేమంగా బయటకు తీసుకునివచ్చినట్లు అధికారులు చెబుతున్నారు.

Pages