ముంబయి, డిసెంబర్ 29: ముంబయిలో గురువారం రాత్రి పొద్దుపోయిన తరువాత జరిగిన ఘోర అగ్నిప్రమాదంలో 14మంది సజీవదహనమయ్యారు. ఓ ఇంటిపైకప్పుపై పుట్టిన రోజు వేడుక జరుపుకుంటున్న సమయంలో ఈ అగ్ని ప్రమాదం సంభవించింది. మరణించిన వాళ్లలో దాదాపు ఎక్కువ మహిళలే ఉన్నారని అధికారులు శుక్రవారం తెలిపారు. ఈ సంఘటనల్లో 21మంది తీవ్రంగా గాయపడ్డారని తెలిపారు.

న్యూఢిల్లీ, డిసెంబర్ 29: ఆంధ్రప్రదేశ్ విభజన చట్టంలో ఇచ్చిన హామీ మేరకు విశాఖపట్నంలో ప్రత్యేక రైల్వే జోన్ ఏర్పాటు చేసేందుకు 1989 రైల్వే చట్టాన్ని సవరించాలంటూ తెలుగుదేశం సభ్యుడు కింజారపు రామమోహన్ నాయుడు శుక్రవారం లోక్‌సభలో ఒక ప్రైవేట్ మెంబర్ బిల్లును ప్రతిపాదించారు.

న్యూఢిల్లీ, డిసెంబర్ 29: ఎస్సీ వర్గీకరణపై మందకృష్ణ మాదిగకు చిత్తశుద్ధి ఉంటే కేంద్రం ప్రభుత్వంపై పోరాటం చేయాలి కాని, రాష్ట్ర ప్రభుత్వంపై ఆయన కక్ష సాధింపు ఏమిటని రాష్ట్ర ఎస్సీ కార్పొరేషన్ చైర్మన్ పిడమర్తి రవి ప్రశ్నించారు. ఢిల్లీలో శుక్రవారం ఆయన విలేఖరులతో మాట్లాడారు. ఈ మేరకు ఎమ్మార్పీఎస్ వ్యవస్థాక అధ్యక్షుడు మందకృష్ణ మాదిగపై ఆగ్రహం వ్యక్తం చేశారు.

న్యూఢిల్లీ, డిసెంబర్ 29: పోలవరం ప్రాజెక్టు నిర్మాణం విషయంలో జోక్యం చేసుకొని, త్వరగా పూర్తి చేయాలని ప్రధాని నరేంద్రమోదీకి సీపీఐ విజ్ఞప్తి చేసింది. ఈ మేరకు శుక్రవారం ఆ పార్టీ నాయకులు డి.రాజా, కె.నారాయణలు పార్లమెంట్‌లో ప్రధాని నరేంద్రమోదీని కలిశారు.