నోయిడా, డిసెంబర్ 6: నోయిడాలోని ఓ అపార్టుమెంట్‌లో తల్లి, కుమార్తె దారుణ హత్యకు గురయ్యారు. బ్యాట్‌తో కొట్టి, స్క్రూడైవర్‌తో పొడిచి చంపేశారు. రెండు రోజులుగా అపార్ట్‌మెంట్ తలుపులు మూసివుండటం, ఫోన్లకు స్పందించకపోవడంతో ఆ కుటుంబానికి సన్నిహితుడైన అపార్ట్‌మెంట్ వాసి పోలీసులకు సమాచారం అందించారు. పోలీసులు తలుపులు పగులగొట్టడంతో వీరిద్దరి హత్య వెలుగుచూసింది.

ముంబయి, డిసెంబర్ 6: గుజరాత్ అసెంబ్లీ ఎన్నికలు రాహుల్ గాంధీని నాయకుడిని చేశాయని శివసేన అభివర్ణించింది. ఎన్నికల ప్రచారంలో భాగంగా కాంగ్రెస్ ఉపాధ్యక్షుడు ఆలయ సందర్శనలు చేపట్టడం హిందుత్వ విజయంగా పేర్కొంది. ఈ పరిస్థితిని బీజేపీ ఆహ్వానించక తప్పదని వ్యాఖ్యానించింది. శనివారం తొలి దశ అసెంబ్లీ ఎన్నికలు జరుగుతున్న గుజరాత్‌లో రాహుల్ గాంధీ విస్తృత ప్రచారం నిర్వహించడం తెలిసిందే.

బళ్ళారి, డిసెంబర్ 5: కర్నాటకలో జేడీయస్ సొంతంగా అధికారంలోకి వస్తుందని మాజీ ప్రధాని, పార్టీ జాతీయ అధ్యక్షుడు దేవెగౌడ అన్నారు. వచ్చే ఎన్నికల్లో ఏ జాతీయ పార్టీతో పొత్తు పెట్టుకోబోమని ఆయన అన్నారు. బళ్ళారిలో మంగళవారం ఆయన విలేఖరులతో మాట్లాడుతూ రాష్ట్రంలో తమ పార్టీ బలంగా ఉందన్నారు. కాంగ్రెస్, బీజేపీకి దీటుగా ఓట్లు సాధించి అధికారం చేజిక్కించుకుంటామన్నారు.

అంజార్ (గుజరాత్), డిసెంబర్ 5: ‘ఎంతసేపూ ఎన్నికల ప్రచారంలో కాంగ్రెస్ పార్టీని విమర్శించడం తప్ప, గుజరాత్ భవిత విషయమై ప్రధాని మోదీ వద్ద ఎలాంటి వ్యూహం లేదు..’ అని కాంగ్రెస్ ఉపాధ్యక్షుడు రాహుల్ గాంధీ విమర్శించారు. గుజరాత్ అసెంబ్లీ ఎన్నికల ప్రచారం సందర్భంగా ఆయన మంగళవారం కచ్ జిల్లాలో పలు చోట్ల బహిరంగ సభల్లో మాట్లాడుతూ మోదీపై విమర్శలు సంధించారు.