జైపూర్, నవంబర్ 20: అయోధ్యలోని రామాలయ వివాదాన్ని కేవలం కోర్టులు మాత్రమే పరిష్కరించగలుగుతాయని బిజెపి సీనియర్ నాయకుడు సుబ్రహ్మణ్యం స్వామి సోమవారం ఇక్కడ స్పష్టం చేశారు. వచ్చే ఏడాదిలోనే అయోధ్యలో రామాలయ నిర్మాణ పనులు మొదలుకాగలవన్న ధీమాను కూడా ఆయన వ్యక్తం చేశారు.

న్యూఢిల్లీ, నవంబర్ 20: బ్లూవేల్ లాంటి ప్రమాదకర గేమ్‌లపై విద్యార్థుల్లో అవగాహన కల్పించాలని అన్ని రాష్ట్రాలకు సుప్రీం కోర్టు ఆదేశాలు జారీ చేసింది. విద్యార్థుల ప్రవర్తలో విపరీత ప్రవర్తనకు దారితీసుకున్న గేమ్‌లపై అప్రమత్తత అవసరమని సుప్రీం కోర్టు ప్రధాన న్యాయమూర్తి జస్టిస్ దీపక్ మిశ్రా, జస్టిస్ ఖాన్వికర్, జస్టిస్ డివై చంద్రచూడ్‌తో కూడిన ధర్మాసనం స్పష్టం చేసింది.

లక్నో, నవంబర్ 20: దశాబ్దాలుగా సాగుతున్న రామజన్మభూమి-బాబ్రీ మసీదు వివాద పరిష్కారం విషయంలో ఉత్తరప్రదేశ్‌లోని షియా వక్ఫ్ బోర్డు కీలక ప్రతిపాదన చేసింది. అయోధ్యలోని వివాదాస్పద స్థలంపై తమ హక్కులను వదలుకుంటామని, దానికి బదులుగా లక్నోలో ఓ మసీదును నిర్మించి ఇవ్వాలని ప్రతిపాదించింది. ఈ ప్రతిపాదనను ఇతర ముస్లిం నేతలు తిరస్కరించారు.

న్యూఢిల్లీ, నవంబర్ 20: పార్లమెంటు శీతాకాల సమావేశాలపై కాంగ్రెస్ అధినేత్రి సోనియా ఆరోపణలను మంత్రి అరుణ్ జైట్లీ తిరస్కరించారు. శీతాకాల సమావేశాలను కచ్చితంగా నిర్వహిస్తామంటూనే, త్వరలోనే తేదీలు ఖరారవుతాయన్నారు. ప్రధాని మోదీ, ఇతర మంత్రులు గుజరాత్ ఎన్నికల ప్రచారంలో నిమగ్నమైనందునే సమావేశాలను ఇప్పటివరకు ఏర్పాటుచేయలేదన్నారు. ఈ విషయంలో ప్రభుత్వ చిత్తశుద్ధిని శంకించాల్సిన అవసరం లేదన్నారు.