న్యూఢిల్లీ, జూలై 31: దేశంలో ఆవాల సాగుపై జన్యుపరంగా కొన్ని మార్పులు తీసుకొస్తామని కేంద్రం సుప్రీం కోర్టుకు స్పష్టం చేసింది. దీనిపై నెలన్నర రోజుల్లో ఓ విధాన నిర్ణయం తీసుకుంటామని ప్రభుత్వం వెల్లడించింది. వాణిజ్య పంటలకు సంబంధించి దాఖలైన పిటిషన్‌ను సప్రీం కోర్టు ప్రధాన న్యాయమూర్తి జెఎస్ ఖేహర్, జస్టిస్ డివై చంద్రచూడ్‌లతో కూడిన ధర్మాసనం సోమవారం విచారించింది.

న్యూఢిల్లీ, జూలై 31: ప్రభుత్వం కల్పించే వసతిలో ఏళ్ల తరబడి తిష్టవేసిన ఎంపీలు, ఉన్నతాధికారులు, ప్రముఖులు తీరా ఖాళీచేయాల్సి వచ్చినప్పుడు వ్యతిరేకించడంపై కేంద్ర ప్రభుత్వం దృష్టిసారించింది. అలాంటి వారిని సాధ్యమైనంత త్వరగా, ఎలాంటి ఇబ్బంది లేకుండా, గడవు లోపల ఖాళీ చేయించేందుకు సంబంధించిన బిల్లును సోమవారం లోక్‌సభలో ప్రవేశపెట్టారు.

గువాహతి, జూలై 31: వరదలతో అతలాకుతలమైన అసోంను మంగళవారం ప్రధాని మోదీ సందర్శించనున్నారు. ఒక్కరోజు పర్యటనలో భాగంగా రెండు సమావేశాల్లో ప్రధాని మోదీ పాల్గొననున్నట్లు అస్సాం రాష్ట్ర ఆర్థిక మంత్రి హిమాంత బిస్వా శర్మ తెలిపారు. తరచూ వరదలు అసోంను ముంచెత్తుతుండడంతో ఈ సమస్యకు శాశ్వత పరిష్కారాన్ని కనుగొనేందుకు రాష్ట్ర మంత్రి మండలి, అధికారులతో ప్రధాని చర్చలు జరుపనున్నట్లు చెప్పారు.

పాట్నా, జూలై 31: నితీశ్‌కుమార్ నేతృత్వంలో బిహార్‌లో మళ్లీ ప్రభుత్వం ఏర్పాటు చేయడాన్ని సవాలు చేస్తూ వేసిన పిటిషన్లను పాట్నా హైకోర్టు కొట్టివేసింది. బిజెపి మద్దతుతో జెడి(యు) ప్రభుత్వం అసెంబ్లీలో మెజారిటీ నిరూపించుకుందని, ఈ విషయంలో కోర్టులు ఎట్టి పరిస్థితుల్లోనూ జోక్యం చేసుకోవని స్పష్టం చేసింది.