న్యూఢిల్లీ,జూలై 31:రాజ్యాంగ హోదాతో కూడిన జాతీయ వెనుకబడిన కులాల కమీషన్ కల ఇబ్బందుల్లో పడింది. ఇప్పటికే లోక్‌సభ ఆమోదించిన జాతీయ బీసీ కమీషన్ ఏర్పాటుకు సంబంధించిన రాజ్యాంగ సవరణ బిల్లును సోమవారం రాజ్యసభ సవరించింది. కమీషన్ అధ్యక్షుడు, ఉపాధ్యక్షుడు, సభ్యుల నియామకానికి సంబందించి అత్యంత ముఖ్యమైన మూడో క్లాజుకు మూడింట రెండు వంతుల మెజారిటీ లభించకపోవటంతో బిల్లు వీగిపోయింది.

న్యూఢిల్లీ, జూలై 30: భారత్‌లోని 29 నగరాలు, పట్టణాలు తీవ్ర భూకంపం సంభవించే జోన్‌లో ఉన్నాయని జాతీయ భూకంప అధ్యయన కేంద్రం (ఎన్‌సిఎస్) తెలిపింది. ఈ జోన్‌లో దేశ రాజధాని ఢిల్లీతోపాటు తొమ్మిది రాష్ట్రాల రాజధానులు కూడా ఉన్నాయి. హిమాలయా పర్వత ప్రాంతాలు ప్రపంచంలోని తీవ్ర భూకంపం సంభవించే కేంద్రాలలో ఒకటిగా ఎన్‌సిఎస్ పేర్కొంది.

జమ్మూ/న్యూఢిల్లీ, జూలై 30: జాతీయ దర్యాప్తు సంస్థ (ఎన్‌ఐఎ) ఆదివారం జమ్మూలో వేర్పాటువాది సయ్యద్ అలీ షా గిలానీ అనుచరుడికి చెందిన రెండు వేర్వేరు ప్రాంతాల్లో సోదాలు నిర్వహించింది. గిలానీతో అత్యంత సన్నిహితుడైన న్యాయవాది ఇంటితోపాటు కార్యాలయంలో ఎన్‌ఐఎ అధికారులు సోదాలు నిర్వహించారని, త్వరలో ఆయనను ప్రశ్నించబోతోందని అధికారులు తెలిపారు. ఈ కేసుకు సంబంధించి ఎన్‌ఐఎ జమ్మూలో సోదాలు నిర్వహించడం ఇది రెండోసారి.

న్యూఢిల్లీ, జూలై 30: గుజరాత్‌లోని కాంగ్రెస్ ఎమ్మెల్యేలందరూ తమవైపుకు తిప్పుకునేందుకు బిజెపి ఎలాంటి ప్రయత్నం చేయలేదని కేంద్ర మంత్రి ప్రకాష్ జావడేకర్ ఆదివారం నాడిక్కడ స్పష్టం చేశారు. తమ పార్టీ ఎమ్మెల్యేలను బిజెపి తనవైపు తిప్పుకుంటోందన్న కాంగ్రెస్ ఆరోపణలను ఆయన తిరస్కరించారు. ఆరుగురు కాంగ్రెస్ ఎమ్మెల్యేలు ఆ పార్టీని వదిలి వెళ్లడంతో రాష్ట్ర కాంగ్రెస్‌లో గందరగోళం నెలకొంది.