S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

01/28/2017 - 01:38

న్యూఢిల్లీ, జనవరి 27: ముఖ్యమంత్రి చంద్రబాబు నాయుడు పోలవరం ప్రాజెక్టును తనకు సంబంధించిన త్రివేణి సంస్థకు ఎలాంటి నియమాలు లేకుండా వారు అడిగిన రేటుకు కట్టబెట్టారని కాంగ్రెస్ రాజ్యసభ సభ్యుడు కెవిపి రామచంద్రరావు ఆరోపించారు. ఔరంగజేబు మాదిరిగా ఎన్ని సంవత్సరాలు పాలించినా మీరు మంచి పాలకులు కాలేరని చంద్రబాబుకు శాపనార్థాలు పెట్టారు.

01/27/2017 - 05:05

సూళ్లూరుపేట, జనవరి 26: నెల్లూరు జిల్లా శ్రీహరికోటలోని ఇస్రో అంతరిక్ష పరిశోధన సంస్థ (షార్) నుంచి వచ్చే నెల 2వ వారంలో 103 ఉపగ్రహాల ప్రయోగం ఉంటుందని షార్ డైరెక్టర్ పి ఉన్హికృష్ణన్ పేర్కొన్నారు. గురువారం ఆయన షార్‌లోని కల్పన అంతరిక్ష నివాస్‌లో విలేఖర్లతో మాట్లాడుతూ ఈ ఏడాది ఇస్రో అత్యంత కీలకమైన ప్రయోగం చేపడుతున్నట్లు పేర్కొన్నారు.

01/27/2017 - 04:22

బెంగళూరు, జనవరి 26: ప్రతిష్ఠాత్మకమైన పద్మభూషణ్ అవార్డును దక్కించుకోవడానికి ఇంతకంటే ఏం సాధించాలంటూ ప్రపంచ బిలియర్డ్స్, స్నూకర్ చాంపియన్ పంకజ్ అద్వానీ ఆవేదన వ్యక్తం చేశాడు. 16 పర్యాయాలు ప్రపంచ చాంపియన్‌షిప్ టైటిల్‌ను దక్కించుకున్నానని, ఇంతకు మించి ఏం చేస్తే తనకు తగిన గుర్తింపు లభిస్తుందో అర్థం కావడం లేదని గురువారం ఒక ప్రకటనలో వాపోయాడు.

01/27/2017 - 04:03

న్యూఢిల్లీ, జనవరి 26: దేశ రాజధాని ఢిల్లీలోని రాజ్‌పథ్‌లో గురువారం నిర్వహించిన 68వ గణతంత్ర దినోత్సవాలు భారత సైనిక పాటవాన్ని, భిన్న సంస్కృతులను ప్రతిబింబించాయి. అబుదాబి యువరాజు షేక్ మొహమ్మద్ బిన్ జాయెద్ అల్ నహ్యాన్ ఈ గణతంత్ర దినోత్సవాలకు గౌరవ అతిథిగా హాజరయ్యారు. తేలికపాటి వర్షం, మేఘావృతమైన వాతావరణం ప్రజల ఉత్సాహాన్ని, ఆసక్తిని అడ్డుకోలేకపోయాయి.

01/27/2017 - 03:57

రాష్టప్రతి ప్రణబ్ ముఖర్జీ జాతీయ పతాకాన్ని ఆవిష్కరించిన సందర్భంలో వర్షం కురుస్తున్నా సంప్రదాయ బద్ధంగా 21గన్ల సైనిక వందనం అద్భుంతంగా సాగింది. జాతీయ గీతాలాపన సరిగా 52 సెకన్లపాటు సాగుతుంది. 21 గన్ల శాల్యూట్ కూడా సరిగ్గా 52సెకన్లలో పూర్తి చేశారు. 52వ సెకన్లో 21వ గన్ పేలటం విశేషం. జాతీయ గీతాలాపన సమయానికి అనుగుణంగా సైనిక బృందం తనదైన సమయ విరామాన్ని కేటాయించుకుని 21సార్లు గన్‌లను పేలుస్తుంది.

01/27/2017 - 03:56

ఆకాశంలో యుద్ధ విమానాల విన్యాసాలతో పాటు భూతలంపై క్షిపణులు ప్రత్యర్థులకు మన సైనిక పాటవం ఏపాటిదో అర్థమయ్యేట్లు చేశాయి. భారత సైన్యానికి చెందిన టి-90, బిఎంపి ట్యాంకులు, బ్రాహ్మోస్ క్షిపణులు పరేడ్‌లో సైనిక శక్తిని విశ్వానికి చాటి చెప్పాయి. వీటితోపాటు ధనుష్ గన్ సిస్టమ్, ఆయుధాలను గుర్తించే రాడారు స్వాతి 68వ గణతంత్ర పరేడ్‌లో ప్రత్యేక ఆకర్షణగా నిలిచాయి.

01/27/2017 - 03:55

ఈ సంవత్సరం వివిధ సందర్భాల్లో సాహసాన్ని ప్రదర్శించిన బాల వీరులు గురువారం నాటి పరేడ్‌లో ప్రత్యేక ఆకర్షణగా నిలిచారు. ప్రధానమంత్రి నరేంద్రమోదీ సోమవారం 25మంది బాల వీరులకు జాతీయ సాహస బాలల అవార్డులను అందజేశారు.

01/27/2017 - 03:54

న్యూఢిల్లీ, జనవరి 26: దేశవ్యాప్తంగా గణతంత్ర దినోత్సవ వేడుకలు ఘనంగా జరిగాయి. పలు రాష్ట్రాల రాజధానుల్లో గవర్నర్లు, ముఖ్యమంత్రులు త్రివర్ణ పతాకాలను ఆవిష్కరించారు. తమిళనాడు చరిత్రలో తొలిసారి ముఖ్యమంత్రి పన్నీర్ సెల్వం జెండా ఎగరేశారు. రాష్ట్రానికి పూర్తిస్థాయి గవర్నర్ లేకపోవడంతో ఆయనే జాతీయ పతాకాన్ని ఆవిష్కరించి పోలీసుల గౌరవ వందనం స్వీకరించారు.

01/27/2017 - 03:52

వివిధ పాఠశాలల నుంచి వచ్చిన విద్యార్థినుల నృత్యాలు గణతంత్ర పరేడ్‌లో అద్భుతంగా అలరించాయి. నాగపూర్ దక్షిణ సెంట్రల్ జోన్ సెంటర్, ఢిల్లీలోని సర్వోదయ కన్య విద్యాలయ, కేంద్రీయ విద్యాలయ, వౌంట్ అబు విద్యాలయలకు చెందిన విద్యార్థినుల బృందాలు అపూర్వమైన నృత్యప్రదర్శన చేశాయి. 165మంది విద్యార్థినులతో వచ్చిన నాగపూర్ బృందం సైలా నృత్యం చేశారు.

01/27/2017 - 03:50

న్యూఢిల్లీ, జనవరి 26: భేటీ బచావో-్భటీ పఢావో, స్కిల్ ఇండియా, ప్రధాన్‌మంత్రి ఆవాస్ యోజన, క్లీన్ ఇండియా-గ్రీన్ ఇండియా వంటి కేంద్ర ప్రభుత్వ పథకాలు, ప్రచార కార్యక్రమాలు గురువారం నాటి గణతంత్ర దినోత్సవ కవాతులో పాల్గొన్న వివిధ శకటాలలో ఇతివృత్తాలుగా చోటు చేసుకున్నాయి. మొత్తం 23 శకటాలు ఈ కవాతులో పాల్గొన్నాయి.

Pages