శ్రీనగర్, జూలై 12: కాశ్మీర్‌లో ఉగ్రవాదం తుది దశకు చేరుకుందని, ఉగ్రవాదాన్ని ఎదుర్కొనే విషక్షంలో గత కొన్ని వారాలు, నెలలుగా నిర్ణయాత్మక పురోగతి సాధించామని కేంద్ర మంత్రి జితేంద్ర సింగ్ చెప్పారు. అనంత్‌నాగ్ జిల్లాలో గత సోమవారం అమరనాథ్ యాత్రికుల బస్సుపై ఉగ్రవాదులు దాడి చేసి ఏడుగురిని హతమార్చిన రెండు రోజుల తర్వాత జితేంద్ర సింగ్ ఈ వ్యాఖ్యలు చేయడం గమనార్హం.

శ్రీనగర్/జమ్ము, జూలై 11: పటిష్ఠ బందోబస్తు మధ్యఅమర్‌నాథ్ యాత్ర యథాతథంగా సాగింది. 22,633 మంది యాత్రికులు అమరనాథుని దర్శనానికి వెళ్లారు. సోమవారం నాటి ఉగ్రదాడి ప్రభావం ఏమాత్రం చూపలేదు. యాత్రికుల్లో ఎటువంటి భయాందోళనలు కనిపించలేదు. సిఆర్‌పిఎఫ్, పోలీసుల భద్రత నడుమ మంగళవారం యాత్ర సాఫీగా సాగిపోయింది. జమ్ము నుంచి బల్తాల్, పహల్‌గామ్ క్యాంపులకు 68 వాహనాల్లో 3289 మంది యాత్రికులు తరలివెళ్లారు.

న్యూఢిల్లీ, జూలై 11: అమర్‌నాథ్ యాత్రికులకు భద్రత మరింత పెంచాలని కేంద్ర హోంమంత్రి రాజ్‌నాథ్ సింగ్ అధికారులను ఆదేశించారు. సోమవారం రాత్రి అనంత్‌నాగ్‌లో యాత్రికులపై ఉగ్రవాదులు దాడి జరిపిన నేపథ్యంలో జమ్ముకాశ్మీర్‌లో శాంతిభద్రతలపై కేంద్ర హోంమంత్రి రాజ్‌నాథ్ సింగ్ మంగళవారం ఉన్నతస్థాయి అధికారులతో సమీక్షా సమావేశం నిర్వహించారు. అమర్‌నాథ్ యాత్రలో కీలకమైన రెండు దారులలో భద్రతా చర్యలపై ఆయన ఆరా తీసారు.

చిత్రం.. సూరత్ చేరుకున్న అమర్‌నాథ్ యాత్రికుల మృతదేహాలకు శ్రద్ధాంజలి ఘటిస్తున్న గుజరాత్ ముఖ్యమంత్రి విజయ్ రూపానీ, ఉపముఖ్యమంత్రి నితిన్ పటేల్ తదితరులు.