న్యూఢిల్లీ, జూలై 10: దేశంలో సులభతరమైన వ్యాపార నిర్వహణను ప్రోత్సహించాలని, ప్రజల్లో ఆధార్ కార్డ్ వినియోగాన్ని వీలైనంత ఎక్కువగా వినియోగించటానికి ప్రాధాన్యమివ్వాలని ప్రధానమంత్రి నరేంద్రమోదీ రాష్ట్రాలకు పిలుపునిచ్చారు. సోమవారం ఆయన అన్ని రాష్ట్రాలు, కేంద్ర పాలిత ప్రాంతాల ప్రధాన కార్యదర్శుల సమావేశంలో మాట్లాడారు.

న్యూఢిల్లీ, జూలై 9: అంతర్జాతీయ వృద్ధి రేటులో భారత్ చైనాను అధిగమించిందని, బలమైన వృద్ధి ధృవంగా అవతరించిందని హార్వర్డ్ యూనివర్శిటీ తాజాగా జరిపిన సర్వేలో స్పష్టమైంది. చైనాపై భారత్ సాధించిన ఈ వృద్ధి రానున్న దశాబ్దంపాటు కూడా కొనసాగే అవకాశం ఉంటుందని ఈ యూనివర్శిటీకి చెందిన అంతర్జాతీయ అభివృద్ధి కేంద్రం జరిపిన సర్వేలో వెల్లడైంది.

తిరువనంతపురం, జూలై 9: దేశంలోనే అత్యంత సంపన్న ఆలయంగా పేర్కొంటున్న పద్మనాభ స్వామి ఆలయం మరోసారి వార్తల్లోకొచ్చింది. ఈ ఆలయానికి చెందిన రెండో నేలమాళిగను తెరవాల్సిందేనంటూ సుప్రీం కోర్టులో పిటిషన్ దాఖలైంది. దీంతో ఈ అంశంపై మరోసారి చర్చ మొదలైంది. ఈ రెండో నేలమాళిగను తెరవడానికి వీలులేదని ట్రావెన్‌కోర్ రాజకుటుంబానికి చెందిన అశ్వవతి తిరునాళ్ గౌరీ లక్ష్మీబాయి స్పష్టం చేశారు.

సేహోర్, జూలై 9: దుర్భర దారిద్య్రం కారణంగా పొలం దున్నడానికి ఎద్దులను కొనే స్తోమతు లేని ఓ పేద రైతు తన ఇద్దరు కుమార్తెలనే పొలం దునే్నందుకు ఎద్దులుగా వాడుకున్నాడు. మధ్యప్రదేశ్‌లో ముఖ్యమంత్రి శివరాజ్ సింగ్ చౌహాన్ సొంత జిల్లా సేహోర్‌లోనే హృదయ విదారకమైన ఈ ఘటన చోటు చేసుకోవడం గమనార్హం.