న్యూఢిల్లీ, ఏప్రిల్ 20: విఐపిలకు కల్పిస్తున్న భద్రతను తగ్గించాలనే ఆలోచన ప్రభుత్వానికి లేదని కేంద్ర సమాచార, ప్రసార శాఖ మంత్రి వెంకయ్య నాయుడు స్పష్టం చేశారు. కేంద్రం అంబులెన్సులు, అగ్నిమాపక శకటాలు వంటి ఎమర్జెన్సీ వాహనాలు మినహా మిగతా వాహనాలన్నింటిపై ఎర్ర బుగ్గల (బెకన్ లైట్ల) వినియోగాన్ని బుధవారం నిషేధించిన నేపథ్యంలో వెంకయ్య నాయుడు గురువారం ఇక్కడ విలేఖరులతో మాట్లాడుతూ ఈ విషయం చెప్పారు.

ముంబయి, ఏప్రిల్ 20: వివాదాస్పద ఇస్లాం మత ప్రబోధకుడు జకీర్ నాయక్‌కు వ్యతిరేకంగా ఇక్కడి ప్రత్యేక ఎన్‌ఐఎ కోర్టు గురువారం నాన్ బెయిలబుల్ వారెంట్‌ను జారీ చేసింది. ఉగ్రవాద కేసులో కోర్టు ఈ వారెంట్ జారీ చేసింది. జాతీయ దర్యాప్తు సంస్థ (ఎన్‌ఐఎ) చట్ట వ్యతిరేక కార్యకలాపాల నిరోధక చట్టం (యుఎపిఎ) కింద జకీర్ నాయక్, మరికొందరిపై నిరుడు కేసు నమోదు చేసింది.

చెన్నై, ఏప్రిల్ 20: రెండాకుల గుర్తుకోసం ఎన్నికల అధికారికి లంచం ఇవ్వజూపారన్న ఆరోపణలు ఎదుర్కొంటున్న అన్నాడిఎంకె ఉప ప్రధాన కార్యదర్శి టిటివి దినకరన్ శనివారం ఢిల్లీ పోలీసుల ఎదుట హాజరుకానున్నారు. ఢిల్లీ క్రైమ్ బ్రాంచ్ పోలీసులు బుధవారం రాత్రి దినకరన్‌కు సమన్లు అందజేశారు. అసిస్టెంట్ కమిషనర్ సంజయ్ నేతృత్వంలో పోలీసు అధికారులు చెన్నై బసంత్ నగర్‌లోని దినకరన్ ఇంటికి వచ్చి సమన్లు అందజేశారు.

న్యూఢిల్లీ, ఏప్రిల్ 19: బాబ్రీ మసీదు కూల్చివేతకు సంబంధించిన కుట్ర కేసును సుప్రీం కోర్టు పునరుద్ధరించినంత మాత్రాన తాను మంత్రి పదవికి రాజీనామా చేసే ప్రశే్న లేదని కేంద్ర జల వనరుల శాఖ మంత్రి ఉమా భారతి స్పష్టం చేశారు. అయోధ్యలో రామ మందిర నిర్మాణం జరగటం తథ్యమని ఆమె చెప్పారు. బాబ్రీ కూల్చివేతకు సంబంధించి తాము ఏం చేసినా అంతా బహిరంగంగానే చేశామని, ఇందులో కుట్ర లేనేలేదని ఆమె చెప్పారు.