ముంబయి, ఏప్రిల్ 13: భారతీయ నేవీ మాజీ ఉద్యోగి కుల్‌భూషణ్ జాదవ్‌కు పాకిస్తాన్ మిలటరీ కోర్టు మరణశిక్ష విధిస్తూ తీర్పునివ్వడాన్ని తీవ్రంగా పరిగణిస్తున్నట్టు కేంద్ర రక్షణశాఖ సహాయ మంత్రి సుభాష్ భమ్రే స్పష్టం చేశారు. పాక్ కోర్టు తీర్పును హత్యగా ఆయన అభివర్ణించారు. దీనిపై అంతర్జాతీయ దౌత్యపరంగా పాకిస్తాన్‌పై వత్తిడి తీసుకురావడానికి కేంద్రం ప్రయత్నిస్తోందని ఇక్కడ వెల్లడించారు.

ముంబయి, ఏప్రిల్ 13: వివాదాస్పద ఇస్లాం మత బోధకుడు, ఇస్లామిక్ రీసెర్చ్ ఫౌండేషన్ అధినేత,జకీర్ నాయక్‌కు మనీలాండరింగ్ కేసులో చుక్కెదురయింది. అతనికి వ్యతిరేకంగా నాన్ బెయిలేబుల్ అరెస్టు వారెంటు (ఎన్‌బిడబ్ల్యు) జారీ అయింది. ముంబయిలోని పిఎంఎల్‌ఎ (ప్రివెన్షన్ ఆఫ్ మనీలాండరింగ్ యాక్ట్) కోర్టు గురువారం నాయక్‌ను ఏ క్షణంలోనయినా అరెస్టు చేసేందుకు వీలుగా ఎన్‌బిడబ్ల్యును జారీ చేసింది.

తిరువనంతపురం, ఏప్రిల్ 13: ఎలక్ట్రానిక్ ఓటింగ్ యంత్రాల (ఇవిఎం) టాంపరింగ్‌పై కాంగ్రెస్ పార్టీ చేస్తున్న ఆరోపణకు అర్థం లేదని కేంద్రమంత్రి ఎం వెంకయ్యనాయుడు అంటూ, అది ఆ పార్టీకే ఎదురుతిరుగుతుందని అన్నారు. తమ వైఫల్యాలను కప్పి పుచ్చుకోవడానికి కాంగ్రెస్ పార్టీ కొత్తకొత్త సమస్యలను సృష్టిస్తోందని కూడా ఆయన అన్నారు.

న్యూఢిల్లీ, ఏప్రిల్ 13: డిఎస్సీ 98 వివాదంలో సుప్రీంకోర్టులో దాఖలైన పిటిషన్‌లను తోసిపుచ్చింది. నిబంధనల ప్రకారమే ఉద్యోగ నియామకాలలో వ్యవహరించామని తెలంగాణ ప్రభుత్వం సుప్రీంకోర్టుకి స్పష్టం చేసింది. దీంతో తెలంగాణ ప్రభుత్వ వాదనలతో ఏకీభవించిన ధర్మాసనం ఈ పిటిషన్లను తోసిపుచ్చింది. దీంతో 19ఏళ్లుగా వివిధ న్యాయస్థానాలలో కొనసాగుతున్న ఈ కేసును గురువారం సుప్రీంకోర్టు తెరదించినట్లు అయింది.