న్యూఢిల్లీ, జనవరి 16: ఖాదీ గ్రామీణ పరిశ్రమల కమిషన్ (కెవిఐసి) రూపొందించిన క్యాలెండర్, డైరీలపై మహాత్మాగాంధీ బొమ్మను తొలగించి ప్రధాన మంత్రి నరేంద్ర మోదీ చిత్రాన్ని ప్రచురించటంపై రేగిన వివాదంపై ప్రధాని కార్యాలయం సోమవారం స్పందించింది. పిఎంఓ అనుమతి తీసుకోకుండానే కెవిఐసి గాంధీజీ బొమ్మను తొలగించటం క్షమించరాని తప్పని పిఎంఓ అభిప్రాయపడింది.

న్యూఢిల్లీ, జనవరి 16: ముంబయికి చెందిన 22 ఏళ్ల మహిళ గర్భంలో పెరుగుతున్న శిశువుకు పుర్రె భాగం లేకపోవడంతో ఆ పిండాన్ని తొలగించుకునేందుకు సుప్రీం కోర్టు సోమవారం ఆమెకు అనుమతి ఇచ్చింది.

న్యూఢిల్లీ, జనవరి 16: ఉమ్మడి ఆంధ్ర విడిపోయి రెండు తెలుగు రాష్ట్రాలుగా ఆవిర్భవించి రెండేళ్లవుతుంటే, విభజన ప్రక్రియను సవాల్ చేస్తూ సుప్రీంలో దాఖలైన పిటిషన్లు తాజాగా సోమవారం విచారణకు వచ్చాయి. సమాఖ్య స్ఫూర్తిని దెబ్బతీసేలా ఉమ్మడి ఏపీని విడగొట్టారంటూ 2014లోనే వివిధ వర్గాలనుంచి సుప్రీంలో దాఖలైన సవాల్ పిటిషన్లను సర్వోన్నత న్యాయస్థానం సాధారణ విచారణకు స్వీకరించింది.

ముంబయి, జనవరి 16: క్రమానుగతంగా నగదు లభ్యత విషయంలో మెరగవుతున్న పరిస్థితుల దృష్ట్యా ఆర్బీఐ మరింత వెసులుబాటును కల్పించింది. వారంలో 24వేల గరిష్ట పరిమితి పెంచకపోయినా, ఏటిఎంల నుంచి రోజుకు పదివేల రూపాయలు తీసుకునే అవకాశాన్ని కల్పించింది. అలాగే కరెంట్ అకౌంట్ కలిగిన ఖాతాదారుల విత్‌డ్రావెల్ పరిమిత మొత్తాన్ని వారానికి 50 వేల నుంచి లక్ష రూపాయలకు పెంచింది.