న్యూఢిల్లీ, జనవరి 15: కోర్టులో వ్యాజ్యం అంటేనే ఇప్పట్లో తెగదులే అనే భావన నెలకొని ఉంది. దశాబ్దం దాటిన కేసులు దేశంలో వేలల్లో ఉన్నాయి. అయితే అతి పురాతనమైన వ్యాజ్యాలలో ఒకటయిన ఒక ఆస్తుల కేసు సుమారు అయిదు దశాబ్దాల తరువాత ఎట్టకేలకు పరిష్కారమయింది. ఎవరి వాటా ఎంతో తేల్చిన ఢిల్లీలోని ఓ కోర్టు వాటికి అనుగుణంగా మూడు భవనాలను పరస్పర అంగీకారంతో విభజించుకోవాలని కక్షిదారులకు సూచించింది.

లక్నో, జనవరి 15: ఉత్తరప్రదేశ్‌లో అధికార సమాజ్‌వాది పార్టీలో విభేదాలు తలెత్తడం, కుమారుడు అఖిలేష్ యాదవ్ దూరం కావడంతో దాదాపుగా ఒంటరై పోయి పార్టీ గుర్తు సైకిల్‌కోసం పోరాడుతున్న ములాయం సింగ్‌కు అనుకోని ఆఫర్ లభించింది.

మదురై, జనవరి 15: జల్లికట్టు నిషేధంపై తమిళనాడులో ఆదివారం కూడా నిరసన ప్రదర్శనలు కొనసాగాయి. పలుజిల్లాల్లో బంద్ కొనసాగింది. తమిళనాడు దక్షిణ జిల్లాల్లో నిషేధాజ్ఞలు ఉల్లంఘించి జల్లికట్టును నిర్వహించేందుకు ప్రయత్నించారు. ముదకతన్, అలంగనలూర్, పలమేడు, వైలాంగుడి ప్రాంతాల్లో జల్లికట్టు నిర్వహణకు ప్రయత్నించిన యువకులను పోలీసులు అదుపులోకి తీసుకుని వదిలేశారు. డిండిగల్ జిల్లాలో కూడా పలుచోట్ల అరెస్టులు జరిగాయి.

పాట్నా, జనవరి 15: గంగానదిలో పడవ మునగడంతో మృతి చెందిన మరో నలుగురి మృతదేహాలను సహాయక బృందాలు ఆదివారం వెలికితీశాయి. దీంతో ఈ ప్రమాదంలో మృతిచెందిన వారి సంఖ్య 24కు పెరిగింది. మకర సంక్రాంతిని పురస్కరించుకొని బిహార్ రాష్ట్ర పర్యాటక శాఖ శనివారం ప్రారంభించిన పతంగుల పండుగకు హాజరై సాయంత్రం తిరిగివస్తున్న సమయంలో ఎన్‌ఐటి ఘాట్ వద్ద ఈ పడవ మునిగిపోయింది.