చెన్నై, జనవరి 9: కావేరీ నదీ జలాల వివాదం కొత్త మలుపు తిరిగింది. కావేరీ జలాలను విడుదల చేయాలని సుప్రీం కోర్టు ఆదేశాలిచ్చినా పట్టించుకోనందున కర్నాటకనుంచి రూ.2,480 కోట్ల నష్టపరిహారం ఇప్పించాలని తమిళనాడు డిమాండ్ చేసింది. కావేరీ వివాదానికి సంబంధించి సాక్ష్యాధారాలు ఇవ్వాలని తమిళనాడు, కర్నాటక ప్రభుత్వాలను సుప్రీం కోర్టు ఆదేశించిన సంగతి తెలిసిందే. రెండు రాష్ట్రాలకు వారం గడువు ఇచ్చింది.

న్యూఢిల్లీ, జనవరి 9: కేవలం రక్తపరీక్షతో ఓ వ్యక్తి ఎంతకాలం జీవిస్తాడు, వృద్దాపత్యంలో డిమెన్షియా (మతిమరుపు)సహా ఏ రకమైన సమస్యలు లేకుండా మనుగడ సాధించగలుగుతాడు అన్నదానిపై తాజాగా ఆసక్తికరమైన ఫలితాలు వెలువడ్డాయి. రక్తంలో ఉండే కొన్ని రకాల జీవ, రసాయనిక పదార్థాల ఆధారంగా ఒక వ్యక్తి ఆయుర్దాయాన్ని నిర్ణయించే అవకాశం ఉంటుందని పరిశోధకులు తెలిపారు.

న్యూఢిల్లీ, జనవరి 9: పింఛనుకు సంబంధించిన అన్ని కేసుల ప్రక్రియను తప్పనిసరిగా ఆన్‌లైన్ పద్ధతిలో నిర్వహించాలని కేంద్ర ప్రభుత్వం అన్ని శాఖలను ఆదేశించింది. పింఛను కేసుల ప్రక్రియలో జాప్యాన్ని నివారించటంతో పాటు మరింత పారదర్శకతను నెలకొల్పటానికి కేంద్రం ఈ ఆదేశాలు జారీ చేసింది. కేంద్ర సిబ్బంది, ప్రజా సమస్యలు, పింఛను వ్యవహారాల మంత్రిత్వ శాఖ ఈ మేరకు అన్ని కేంద్ర ప్రభుత్వ విభాగాల కార్యదర్శులను ఆదేశించింది.

న్యూఢిల్లీ, జనవరి 9: తెలుగు రాష్ట్రాల మధ్య కృష్ణా జలాల పంపకాలకు సంబంధించి బ్రిజేష్‌కుమార్ ట్రిబ్యునల్ ఇచ్చిన తీర్పుపై జోక్యం చేసుకోలేమని సుప్రీంకోర్టు తేల్చి చెప్పేసింది. కృష్ణా పరీవాహకంలోని నాలుగు రాష్ట్రాలకు జలాలను పునఃపంపకాలు చేపట్టాలంటూ తెలంగాణ దాఖలు చేసిన స్పెషల్ లీవ్ పిటిషన్‌ను సైతం కొట్టేవేసింది.