చెన్నై, అక్టోబర్ 8: కావేరి జలాల వివాదంలో కేంద్ర ప్రభుత్వ తీరుకు వ్యతిరేకంగా ప్రతిపక్షాలు చేస్తున్న ఆరోపణలను తిప్పికొట్టేందుకు తమిళనాడు బిజెపి శాఖ ప్రయత్నాలు ప్రారంభించింది. కావేరీ యాజమాన్య బోర్డు ఏర్పాటును బిజెపి వ్యతిరేకిస్తోందన్న వార్తల నేపథ్యంలో ఆ పార్టీ తమిళనాడు నేతలు అధినాయకత్వంలో సమావేశం కావాలని నిర్ణయించడం గమనార్హం.

శ్రీనగర్, అక్టోబర్ 8: పిఓకె నుంచి భారత్‌లోకి చొరబడుతూ సైన్యం చేతిలో హతమైన ఉగ్రవాదుల నుంచి స్వాధీనం చేసుకున్న ఆయుధాలు, గ్రెనేడ్లు, మందులు పాకిస్తాన్‌లోనే తయారయ్యారని ఆర్మీ ప్రతినిధి ఒకరు తెలిపారు. గురువారంనాడు భారత్‌లోకి చొరబడుతున్న నలుగురు ఉగ్రవాదులను భారత సైన్యం హతమార్చిన విషయం తెలిసిందే.

పనాజి, అక్టోబర్ 8: భారత్, పాకిస్తాన్‌ల మధ్య ఉద్రిక్త పరిస్థితులు నెలకొన్న నేపథ్యంలో ఈ ప్రాంతంలో శాంతియుత పరిస్థితులు నెలకొనాలని కాంక్షిస్తూ గోవా రాష్ట్ర వ్యాప్తంగా చర్చిలలో ఈ నెల 16న ప్రార్థనలు నిర్వహించనున్నారు. 16న రోజువారి ప్రార్థనలను పక్కన పెట్టి సరిహద్దుల్లో శాంతి నెలకొనాలని ప్రత్యేక ప్రార్థనలు చేస్తామని గోవా ఆర్చ్‌బిషప్ డామన్ ఫిలిప్ నేరి ఫెర్రారో శనివారం చెప్పారు.

న్యూఢిల్లీ, అక్టోబర్ 7: ప్రఖ్యాత హజీ అలీ దర్గాలోకి మహిళల ప్రవేశంపై బాంబే హైకోర్టు ఇచ్చిన తీర్పుపై గతంలో తానిచ్చిన స్టేను శుక్రవారం సుప్రీంకోర్టు పొడిగించింది. అక్టోబర్ 17న తదుపరి విచారణ వరకూ స్టే కొనసాగుతుందని అత్యున్నత న్యా యస్థానం తెలిపింది. ప్రధాన న్యాయమూర్తి జస్టిస్ టి ఎస్ ఠాకూర్ నేతృత్వంలోని ధర్మాసనం ఈ కేసును విచారించింది.