న్యూఢిల్లీ, అక్టోబర్ 7: సమాచార హక్కు చట్టం పటిష్టంగా అమలుచేయడానికి, పారదర్శకతతో పనిచేయడానికి సామాజిక కార్యక్తలు, పాత్రికేయులు సలహాలు సూచనలు ఇవ్వాలని ప్రభుత్వం విజ్ఞప్తి చేసింది. ప్రభుత్వశాఖల్లో ఆర్‌టిఐని అమలుచేయాలన్న కృత నిశ్చయంతో ప్రభుత్వం పనిచేస్తోందని కేంద్ర సిబ్బంది, శిక్షణ వ్యవహారాల శాఖ స్పష్టం చేసింది.

శ్రీనగర్, అక్టోబర్ 7: పాక్ ఆక్రమిత కాశ్మీర్‌లో భారత్ లక్షిత దాడుల అనంతరం జమ్ము కాశ్మీర్‌లో భద్రతాదళాలను లక్ష్యం చేసుకుని సాగుతున్న ఉగ్రదాడుల పరంపర కొనసాగుతూనే ఉంది. సోఫియాన్ జిల్లాలో ఓ పోలీస్ గార్డ్ పోస్ట్‌పై శుక్రవారం రాత్రి 8.30 తరువాత మిలిటెంట్లు కాల్పులు జరిపారు. ఈ కాల్పుల్లో ఓ పోలీసు కానిస్టేబుల్ నజీర్ అహ్మద్ చనిపోయినట్లు అధికారులు తెలిపారు. మరో కానిస్టేబుల్ తీవ్రంగా గాయపడ్డాడు.

న్యూఢిల్లీ, అక్టోబర్ 7: తెలంగాణ ప్రజలకు ముఖ్యమంత్రి కెసిఆర్ అరచేతిలో స్వర్గం చూపిస్తున్నారని కాంగ్రెస్ రాజ్యసభ సభ్యుడు పాల్వాయి గోవర్ధన్ రెడ్డి విమర్శించారు. ప్రజల సంక్షేమాన్ని విస్మరిస్తూ కేవలం హంగు ఆర్భాటాలకు ముఖ్యమంత్రి పోతున్నారని మండిపడ్డారు.

ఇస్లామాబాద్, అక్టోబర్ 7: హాట్‌లైన్ సహా భారత సైన్యంతో అన్ని కమ్యూనికేషన్ మార్గాలు తెరిచే ఉన్నాయని పాకిస్తాన్ సైన్యం శుక్రవారం స్పష్టం చేసింది. అయితే భారత సైన్యం ఉద్రిక్తతలను పెంచుతోందని ఆరోపించింది. ‘్భరతీయ సైన్యం కాల్పులు జరపడం ద్వారా నియంత్రణ రేఖను ఉల్లంఘించింది. ఆ తర్వాత కొద్ది గంటలకు లక్షిత దాడులు జరిపామని తప్పుడు ప్రకటన చేసింది. అయితే మేము అక్కడ అన్ని వాస్తవ పరిస్థితులను చెక్ చేశాము.