అహ్మదాబాద్, అక్టోబర్ 5: వారం రోజుల వ్యవధిలోనే పాకిస్తాన్‌కు చెందిన మరో పడవను బుధవారం గుజరాత్ తీరంలో సరిహద్దు భద్రతా దళం (బిఎస్‌ఎఫ్) అధికారులు స్వాధీనం చేసుకున్నారు. ఇంతకు ముందు తొమ్మిది మంది సిబ్బందితో కూడిన ఒక పాకిస్తాన్ పడవను బిఎస్‌ఎఫ్ అదుపులోకి తీసకున్న విషయం తెలిసిందే.

న్యూఢిల్లీ, అక్టోబర్ 5: తెలంగాణ రాష్ట్రంలో వలస కూలీల పిల్లల విద్య కోసం ఏం చర్యలు చేపట్టారో వివరిస్తూ నాలుగు వారాలలో అఫిడవిట్ సమర్పించాలని సుప్రీంకోర్టు ఆదేశించింది. ఏపీలో కడప జిల్లాలో ప్రభుత్వ పాఠశాలల్లో వౌలిక సదుపాయాలపై అమికస్ క్యూరీ నేతృత్వంలోని కమిటి నివేదికపై నాలుగు వారాలలో సమాధానం ఇవ్వాలని ఏపీ ప్రభుత్వాన్ని అత్యున్నత న్యాయస్థానం ఆదేశించింది.

న్యూఢిల్లీ, అక్టోబర్ 5: దేశంలోని పలు ప్రాంతాల్లో నెలకొన్న కరవు పరిస్థితులను ఎదుర్కొనే విషయంలో ఎలాంటి ఉదాసీతన పనికిరాదని సుప్రీం కోర్టు బుధవారం కేంద్రానికి స్పష్టం చేసింది. గత ఏడాది తప్పులు పునరావృతం కాకుండా తగిన ముందు జాగ్రత్త చర్యలు తీసుకోవాలని ఆదేశించింది. కరవు కాటక పరిస్థితులు ముంచుకొచ్చే వరకూ ఎదురుచూడకుండా ముందస్తుగానే తగిన సహాయ ఏర్పాట్లతో సంసిద్ధం కావాలని విజ్ఞప్తి చేసింది.

న్యూఢిల్లీ, అక్టోబర్ 5:ఆక్రమిత కాశ్మీర్‌లోని ఉగ్రవాద స్థావరాలను ధ్వంసం చేస్తూ భారత సేన నిర్వహించిన లక్షిత దాడులపై ఎవరుపడితేవారు ఎలా పడితే అలా మాట్లాడ వద్దని ప్రధాని నరేంద్ర మోదీ మంత్రులకు, పార్టీ నేతలకు విజ్ఞప్తి చేశారు. అసలు సర్జికల్ దాడులు జరిగాయా లేదా అన్నదానిపై దేశంలో అవాంఛనీయమైన చర్చ రగులుతున్న నేపథ్యంలో మంత్రులు, బిజెపి నేతలు భుజాలెగరేయడం కట్టిపెట్టాలని హెచ్చరించారు.