ఉదంపూర్, అక్టోబర్ 1: జమ్మూ, కాశ్మీర్‌లోని ఉరీ సైనిక స్థావరంపై ఉగ్రవాదులు దాడి చేసి 19 మంది జవాన్లను పొట్టన పెట్టుకోవడం, దానికి ప్రతీకారంగా భారత సైన్యం నియంత్రణ రేఖకు ఆవల పాక్ ఆక్రమిత కాశ్మీర్‌లోని ఉగ్రవాద స్థావరాలపై లక్షిత దాడులు జరిపిన నేపథ్యంలో ఇరు దేశాల సరిహద్దుల్లో ఉద్రిక్త పరిస్థితులు నెలకొన్న నేపథ్యంలో భారత సైనిక దళాల ప్రధానాధికారి దల్బీర్ సింగ్ శనివారం జమ్మూ, కాశ్మీర్‌లో పర్యటించారు.

న్యూఢిల్లీ, అక్టోబర్ 1: వయోవృద్ధులకు సముచిత గౌరవం ఇవ్వాలని, వారికి వైద్య, ఆరోగ్య సేవలు అందుబాటులోకి తీసుకురావాల్సిన బాధ్యత సమాజంపై ఉందని రాష్టప్రతి ప్రణబ్ ముఖర్జీ స్పష్టం చేశారు. పెద్దలను ఆదుకోవాల్సిన అవసరం ఎంతైనా ఉందని వృద్ధుల దినోత్సవం సందర్భంగా శనివారం ఇక్కడ ఒక కార్యక్రమంలో ఉద్ఘాటించారు. సమాజానికి వారు అందించన సేవలను గుర్తించాలన్నారు.

న్యూఢిల్లీ, అక్టోబర్ 1: నియంత్రణ రేఖ దాటి వచ్చి పాక్ ఆక్రమిత కాశ్మీర్‌లోని ఉగ్రవాద శిబిరాలపై భారత్ లక్షిత దాడులు జరపడాన్ని పాక్ ఆర్మీ చీఫ్ జనరల్ రహీల్ షరీఫ్ జీర్ణించుకోలేకపోతున్నారని, అందువల్ల తాను రిటైరయ్యేలోగానే భారత్‌పై దాడికి దిగి ప్రతీకారం తీర్చుకోవచ్చని భావిస్తుండడం వల్లనే భారత ప్రభుత్వం సరిహద్దుల్లో పూర్తి అప్రమత్తంగా ఉందని నిపుణులు అంటున్నారు. రహీల్ నవంబర్‌లో రిటైర్ కావలసి ఉంది.

శ్రీనగర్, అక్టోబర్ 1: జమ్మూకాశ్మీర్‌లోని ఉరీ సైనిక శిబిరం పాక్ ఉగ్రవాదుల దాడి, తదనంతర పరిణామాల నేపథ్యంలో అక్కడ విధులు నిర్వర్తిస్తున్న ఆర్మీ బ్రిగేడియర్‌పై వేటు పడింది. సెప్టెంబర్ 18న పాక్ ముష్కరులు జరిపిన దాడిలో 19 మంది మృతి చెందిన విషయం తెలిసిందే. పలువురు గాయపడ్డారు. ఈ సంఘటనకు సంబంధించి ఉరీలోని బ్రిగేడియర్ కమాండర్ కె సోమశంకర్‌ను అక్కడి బదిలీ చేసినట్టు రక్షణశాఖ వర్గాలు వెల్లడించాయి.