న్యూఢిల్లీ, సెప్టెంబర్ 30: సంవత్సరానికి కోటిన్నర రూపాయల టర్నోవర్ కలిగిన పరిశ్రమలు, సంస్థలన్నింటినీ రాష్ట్రాల పరిధిలోనే ఉంచాలని తెలంగాణ ఆర్థిక శాఖ మంత్రి ఈటల రాజేందర్ కేంద్రానికి విజ్ఞప్తి చేశారు. వస్తు, సేవల పన్ను (జిఎస్‌టి)పై శుక్రవారం న్యూఢిల్లీలో కేంద్ర ఆర్థిక మంత్రి అరుణ్ జైట్లీ ఆధ్వర్యంలో జరిగిన సమావేశంలో ఆయన ఈ విజ్ఞప్తి చేశారు.

దుమ్ముగూడెం, సెప్టెంబర్ 30: ఛత్తీస్‌గఢ్ రాష్ట్ర కిష్టారం పోలీసుస్టేషన్ పరిధిలోని వీరాపురం అటవీ ప్రాంతంలో గురువారం రాత్రి జరిగిన ఎన్‌కౌంటర్‌లో సోడె గంగ(30) అనే మావోయిస్టు మిలీషియా కమాండర్ మృతి చెందాడు. ఛత్తీస్‌గఢ్ కోబ్రా దళాలు, సిఆర్‌పిఎఫ్ బలగాలు వీరాపురం అటవీ ప్రాంతంలో కూంబింగ్ నిర్వహిస్తుండగా గంగతో పాటు పలువురు తారసపడ్డారు. ఎదురుకాల్పుల్లో సోడె గంగ మృతి చెందాడు.

న్యూఢిల్లీ, సెప్టెంబర్ 30: పెట్రోల్ ధర శుక్రవారం లీటర్‌కు 28 పైసలు పెరగగా, డీజిల్ ధర లీటర్‌కు 6పైసలు తగ్గింది. అంతర్జాతీయ మార్కెట్‌లో నెలకొన్న ధోరణులకు అనుగుణంగా దేశీయంగా పెట్రోల్, డీజిల్ ధరల్లో స్వల్ప మార్పులు చోటు చేసుకున్నట్టు ఇండియన్ ఆయిల్ కార్పొరేషన్ (ఐఒసి) ఒక ప్రకటనలో తెలిపింది. కొత్త ధరలు శుక్రవారం అర్ధరాత్రి నుంచి అమలులోకి వచ్చాయి. ఢిల్లీలో లీటర్‌కు రూ.

న్యూఢిల్లీ, సెప్టెంబర్ 30: తమిళనాడుకు కావేరి జలాలను విడుదల చేయాలంటూ తాను ఇచ్చిన ఆదేశాలను పదే పదే ఉల్లంఘిస్తున్న కర్నాటకపై సుప్రీంకోర్టు శుక్రవారం తీవ్రస్థాయిలో మండిపడింది. శనివారంనుంచి అక్టోబర్ 6 దాకా రోజుకు 6 వేల క్యూసెక్కుల చొప్పున నీటిని విడుదల చేసి తీరాలని ఆ రాష్ట్రాన్ని ఆదేశించిన సర్వోన్నత న్యాయస్థానం రాష్ట్రంపై చట్టం కొరడా ఎప్పుడు పడుతుందో ఎవరికీ తెలియదని హెచ్చరించింది.