న్యూఢిల్లీ/శ్రీనగర్ సెప్టెంబర్ 20: పద్ధెనిమిది మంది జవాన్లను దొంగదాడి చేసి హతమార్చిన పాకిస్తాన్ ఉగ్రవాద చర్యలపై ఎలా వ్యవహరించాలన్న అంశంపై కేంద్ర ప్రభుత్వం మల్లగుల్లాలు పడుతోంది. న్యూఢిల్లీలో కేంద్ర హోం మంత్రి రాజ్‌నాథ్‌సింగ్ నేతృత్వంలో, శ్రీనగర్‌లో కేంద్ర హోం శాఖ కార్యదర్శి రాజీవ్ మెహర్షి నాయకత్వం జమ్ము కాశ్మీర్‌తోపాటు దేశమంతటా నెలకొన్న పరిస్థితులపై అత్యున్నత స్థాయి సమీక్షా సమావేశాలు జరిగాయి.

న్యూఢిల్లీ, సెప్టెంబర్ 20: తమిళనాడుకు బుధవారం నుంచి ఈ నెల 27వరకు రోజుకు 6 వేల క్యూసెక్కుల చొప్పున కావేరి జలాలను విడుదల చేయాలని సుప్రీంకోర్టు మంగళవారం కర్నాటకను ఆదేశించింది. తమిళనాడుకు బుధవారంనుంచి ఈ నెల 30 తేదీ దాకా రోజుకు 3 వేల క్యూసెక్కుల చొప్పున నీటిని విడుదల చేయాలని కావేరి జలాల పర్యవేక్షక కమిటీ సోమవారం కర్నాటకను ఆదేశించిన విషయం తెలిసిందే.

అమృత్‌సర్, సెప్టెంబర్ 20: అమృత్‌సర్‌లో పాఠశాల బస్సు వాగులో పడిన దుర్ఘటనలో ఆరుగురు విద్యార్థులు దుర్మరణం పాలయ్యారు. భారత్-పాక్ సరిహద్దుల్లోని అట్టారీ వద్ద బార్డర్ అవుట్‌పోస్ట్ సమీపంలో ఉన్న ఒక వాగులో మంగళవారం ఉదయం స్కూలు బస్సు అదుపుతప్పి పడిపోయింది. 37మంది విద్యార్థులతో వెళ్తున్న ఈ బస్సు వాగుపై ఉన్న సన్నటి వంతెన దాటుతుండగా ప్రమాదం జరిగింది.

న్యూఢిల్లీ, సెప్టెంబర్ 20: గిరిజన యువతకు ఉద్యోగ అవకాశాలు కల్పించేందుకు కేంద్ర గిరిజన సంక్షేమశాఖ చర్యలు తీసుకోవాలని టిఆర్‌ఎస్ ఎంపీ సీతారాం నాయక్ విజ్ఞప్తి చేశారు. ఈ మేరకు మంగళవారం కేంద్ర గిరిజన వ్యవహరాల శాఖ మంత్రి జ్యువెల్ ఓరంని కలిసి కోరారు. అక్టోబర్‌లో ప్రధాని నరేంద్రమోదీ ప్రారంభిస్తున్న జాతీయ గిరిజన కార్యక్రమంలో తెలంగాణ గిరిజనుల సంస్కృతి నృత్యాలు ప్రదర్శింపచేయాలన్నారు.