న్యూఢిల్లీ/మెల్‌బోర్న్, ఆగస్టు 24: భారత నౌకా దళం కోసం ఫ్రాన్స్ కంపెనీ నిర్మిస్తున్న ఆరు అత్యాధునిక స్కార్పీన్ జలాంతర్గాములకు సంబంధించిన 22వేల పేజీల సాంకేతిక రహస్య వివరాలు బహిర్గతమయ్యాయి. ఈ పరిణామం భద్రతా విభాగాల్లో తీవ్ర ప్రకంపనలు పుట్టిస్తోంది. జలాంతర్గాములకు సంబంధించిన సాంకేతిక, సామర్థ్య వివరాలు ఎలా లీకు అయ్యాయన్న దానిపై నౌకాదళం బుధవారం దర్యాప్తునకు ఆదేశించింది.

న్యూఢిల్లీ, ఆగస్టు 24: అద్దెగర్భం వ్యాపారమయం కాకుండా నిరోధించే బిల్లుకు కేంద్ర మంత్రిమండలి బుధవారం ఆమోదం తెలిపింది. కేవలం చట్టపరంగా భార్యాభర్తలైన భారతీయులకు మాత్రమే అద్దెగర్భం ద్వారా సంతానాన్ని పొందేలా ఈ బిల్లును రూపొందించారు. సరోగసీ నియంత్రణ బిల్లు-2016ను పార్లమెంట్‌లో ప్రవేశపెట్టేందుకు కేబినెట్ ఆమోదముద్ర వేసింది.

న్యూఢిల్లీ, ఆగస్టు 24: ఉమ్మడి ఉన్నత విద్యామండలి ఆస్తుల పంపకాలపై అత్యున్నత ధర్మాసనం తీర్పును పున:పరిశీలించాలంటూ తెలంగాణ ప్రభుత్వం దాఖలు చేసిన రెండో రివ్యూ పిటిషన్‌పై విచారణ జరిపేందుకు సుప్రీంకోర్టు తిరస్కరించింది. రెండో పిటిషన్‌ను న్యాయమూర్తులు జస్టిస్ గోపాల్ గౌడ్,జస్టిస్ అరుణ్ మిశ్రాలు తమ చాంబర్‌లో పరిశీలించి గతంలో ఇచ్చిన తీర్పును సమీక్షించేది లేదని మరోసారి స్పష్టం చేశారు.

దిల్లీ: అద్దె గర్భం (సరోగసీ) ముసాయిదా బిల్లుకు కేంద్ర మంత్రివర్గం బుధవారం ఆమోదం తెలిపింది. సరోగసీ విధానాన్ని మరింత పారదర్శకంగా నిర్వహించేందుకు వీలుగా మార్గదర్శకాలను రూపొందించింది.సహజీవనం చేసేవారు, స్వలింగ సంపర్కులు, జీవిత భాగస్వామి లేని, పెళ్లి కానివారు, విదేశీయులు, ప్రవాస భారతీయులకు అద్దెగర్భం ద్వారా సంతానం పొందే అవకాశం లేదని కేంద్ర విదేశీ వ్యవహారాల శాఖా మంత్రి సుష్మాస్వరాజ్‌ స్పష్టంచేశారు.