హైదరాబాద్, ఆగస్టు 20: ఒలింపిక్స్ సిల్వర్‌క్వీన్ పివి సింధును యావత్‌దేశం జాతీయపతాకమంత ఎత్తున నిలిపి సాల్యూట్ చేస్తోంది. ఆమె అసాధారణ ప్రతిభకు ఉభయ తెలుగు రాష్ట్రాలు భారీ నజరానాలు ప్రకటించగా దేశవ్యాప్తంగా పలు రాష్ట్రాలు ఆమె సాదరంగా గౌరవ పురస్కారాలను ప్రకటిస్తున్నాయి. మునుపెన్నడూ ఏ క్రీడాకారిణికి కూడా దక్కని అపూర్వ గౌరవాన్ని మన తెలుగమ్మాయి సింధు దక్కించుకుంటోంది.

తిరువనంతపురం, ఆగస్టు 20: కేరళలో ఓ వృద్ధురాలిపై ఒకటి కాదు.. రెండు కాదు... ఏకంగా వంద పిచ్చికుక్కలు ఏకకాలంలో దాడిచేశాయి.. దొరికిన చోటల్లా కండలు ఊడబెరికాయి. ఒళ్లంతా రక్తస్రావం.. నిస్సహాయురాలైన మహిళ ఏమీ చేయలేక మృత్యువాతపడింది. కంజిరంకులమంలోని బీచ్‌లో ఈ ఘటన దేశమంతటా సంచలనం సృష్టించింది. 65 సంవత్సరాల సిలువమ్మ అదే తీర ప్రాంతంలో నివాసముంటోంది.

న్యూఢిల్లీ, ఆగస్టు 20: రిజర్వ్ బ్యాంక్ ఆఫ్ ఇండియా (ఆర్‌బిఐ) కొత్త గవర్నర్‌గా ఉర్జిత్ పటేల్ నియమితులయ్యారు. ప్రస్తుతం ఆర్‌బిఐ గవర్నర్‌గా ఉన్న రఘురామ్ రాజన్ స్థానంలో ఉర్జిత్ పటేల్ ఆర్‌బిఐ గవర్నర్‌గా బాధ్యతలు చేపడతారు. రాజన్ సెప్టెంబర్ 4న పదవీ విరమణ చేయనున్న విషయం తెలిసిందే. 52 ఏళ్ల ఉర్జిత్ పటేల్‌ను ఆర్‌బిఐ గవర్నర్‌గా నియమించినట్లు ప్రభుత్వం శనివారం ఒక ప్రకటనలో తెలిపింది.

లక్నో: వచ్చే ఏడాది జరిగే యుపి అసెంబ్లీ ఎన్నికలకు అప్పుడే కోలాహలం మొదలైంది. బిఎస్‌పి అధినేత్రి, మాజీ సిఎం మాయావతి ఆదివారం నాడు ఆగ్రాలో ఎన్నికల ప్రచారాన్ని ప్రారంభించేందుకు సన్నాహాలు పూర్తయ్యాయి. గత సాధారణ ఎన్నికల్లో బిజెపి తరఫున నరేంద్ర మోదీ ఆగ్రా నుంచే సమరశంఖాన్ని పూరించారు. అక్కడి నుంచే తన ప్రచార పర్వానికి శ్రీకారం చుట్టాలని మాయావతి నిర్ణయించుకోవడం రాజకీయంగా ప్రాధాన్యతను సంతరించుకుంది.