S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

04/07/2016 - 13:20

న్యూ యార్క్: ఫోర్బ్స్ పత్రిక తాజాగా విడుదల చేసిన ‘ఆసియాలో అత్యంత శక్తిమంతమైన మహిళా వ్యాపారవేత్తల’ జాబితాలో మనదేశానికి చెందిన రిలయన్స్ ఫౌండేషన్ చైర్‌పర్సన్ నీతా అంబానీ ప్రథమ స్థానంలో నిలిచారు. మొత్తం 50 మంది మహిళలతో ఈ జాబితా విడుదల చేయగా ఇందులో భారత్‌కు చెందిన వారు ఎనిమిదిమంది ఉన్నారు. ఎస్‌బిఐ చైర్మన్, మేనేజింగ్ డైరెక్టర్ అరుంధతీ భట్టాచార్య రెండో స్థానంలో నిలిచారు.

04/07/2016 - 12:52

నైనిటాల్: రాష్టప్రతి పాలనను రద్దు చేసే హక్కు తమకు ఉందని ఉత్తరాఖండ్ హైకోర్టు గురువారం కేంద్ర ప్రభుత్వానికి హెచ్చరిక చేసింది. ప్రస్తుతం కోర్టు విచారణలో ఉన్న కేసుపై సరిగా స్పందించకుంటే పిటిషనర్ హక్కులను కాపాడతామంటూ కోర్టు వ్యాఖ్యానించింది.

04/07/2016 - 12:50

దిల్లీ: ఇటీవల ఉత్తరప్రదేశ్‌లో జాతీయ దర్యాప్తు సంస్థ (ఎన్‌ఐఎ) అధికారి తాంజిల్ అహ్మద్ హత్యకు సంబంధించి పోలీసులు ఇద్దరిని అరెస్టు చేశారు. ఓ వివాహ కార్యక్రమానికి కుటుంబ సభ్యులతో హాజరై కారులో తిరిగి దిల్లీ వస్తుండగా బైక్‌పై వెంబడించిన దుండగులు ఆయనను హత్య చేశారు. వారు వాడిన బైక్‌ను కూడా పోలీసులు స్వాధీనం చేసుకున్నారు.

04/07/2016 - 12:49

దిల్లీ: తాను బకాయిపడిన మొత్తంలో నాలుగు వేల కోట్ల రూపాయలను త్వరలో చెల్లిస్తానన్న కింగ్‌ఫిషర్ యజమాని విజయ్‌మాల్యా ప్రతిపాదనకు బ్యాంకులు సమ్మతించలేదు. మాల్యా రుణాల ఎగవేత పిటిషన్‌పై గురువారం సుప్రీంకోర్టులో విచారణ సందర్భంగా బ్యాంకులు ఈ విషయాన్ని తెలిపాయి. వివిధ బ్యాంకులకు 9వేల కోట్ల రూపాయలు బకాయిపడిన మాల్యా ప్రస్తుతం లండన్‌లో ఉంటున్న సంగతి తెలిసిందే.

04/07/2016 - 07:50

న్యూఢిల్లీ, ఏప్రిల్ 6: రాష్ట్రాల్లోని బిజెపి ప్రభుత్వాలు ప్రజలకు అద్భుతమైన రీతిలో సేవలందిస్తున్నాయని, కష్టపడి పని చేస్తున్న ముఖ్యమంత్రులను చూసి పార్టీ గర్విస్తోందని ప్రధాని నరేంద్ర మోదీ అన్నారు.

04/07/2016 - 08:36

న్యూఢిల్లీ, ఏప్రిల్ 6: కేంద్రంలోని నరేంద్ర మోదీ ప్రభుత్వ విధానాలపై కాంగ్రెస్ ఉపాధ్యక్షుడు రాహుల్ గాంధీ మరోసారి విరుచుకుపడుతూ, బంగారు ఆభరణాలపై విధించింది ఒక శాతం ఎక్సైజ్ సుంకం కాదని, అది బంగారం వ్యాపారుల పాలిట యమపాశం వంటిదని అన్నారు. అంతేకాదు బడా వ్యాపారవేత్తలకు లాభం చేకూర్చేందుకే బిజెపి ప్రభుత్వం ఈ పని చేసిందన్నారు.

04/07/2016 - 01:19

న్యూఢిల్లీ, ఏప్రిల్ 6: రైతులకు స్మార్ట్ పంపుసెట్లు, ఇళ్లు, దుకాణాలు సంస్థలకు స్మార్ట్ ఫ్యాన్లు వస్తున్నాయి. కేంద్ర ఇంధన శాఖ మంత్రి పియూష్ గోయల్ గురువారం విజయవాడలో స్మార్ట్ పంపుసెట్లు, ఫ్యాన్ల పథకాన్ని ప్రారంభించనున్నారు. ముఖ్యమంత్రి నారా చంద్రబాబునాయుడు సమక్షంలో ఈ కార్యక్రమం జరుగుతుందని పియూష్ గోయల్ కార్యాలయం తెలిపింది.

04/07/2016 - 01:09

ముంబయి, ఏప్రిల్ 6: ఢిల్లీ, ముంబయి వంటి ప్రధాన నగరాలను లక్ష్యంగా చేసుకుని విధ్వసం సృష్టించేందుకు పాకిస్తాన్‌కు చెందిన ముగ్గురు ఆత్మాహుతి బాంబర్లు సంచరిస్తున్నారంటూ ఇంటెలిజెన్స్ వర్గాలు బుధవారం హెచ్చరించాయి. మారుతీ స్విఫ్ట్ జైర్ కారులో వీరు తిరుగుతున్నట్టుగా వెల్లడించాయి. వీరి వద్ద భారీ ఆయుధాలు, ఆత్మాహుతి దాడి జరిపేందుకు బెల్టులు కూడా ఉన్నట్టుగా స్పష్టం చేసింది.

04/07/2016 - 00:55

న్యూఢిల్లీ, ఏప్రిల్ 6: రాష్టప్రతి ప్రణబ్ ఆదేశాల మేరకు ఢిల్లీ, గుజరాత్ హైకోర్టు నుంచి ముగ్గురు న్యాయమూర్తులు బదిలీ అయ్యారు. సుప్రీం కోర్టు ప్రధాన న్యాయమూర్తితో చర్చించిన అనంతరమే బదిలీలు జరిగాయ. ఢిల్లీ హైకోర్టు న్యాయమూర్తి సురేష్ కుమార్ ఖేట్ హైదరాబాద్‌లోని జుడికేచర్ హైకోర్టు న్యాయమూర్తిగా బదిలీ అయ్యారు. తెలంగాణ, ఆంధ్రప్రదేశ్ రాష్ట్రాలకు ఆయన సేవలందజేస్తారని రాష్టప్రతి ఆదేశంలో పేర్కొన్నారు.

04/06/2016 - 17:59

శ్రీనగర్: పోలీసులు విచక్షణారహితంగా లాఠీచార్జి చేయడమే కాకుండా ఇప్పటికీ వెంటాడి వేధిస్తున్నారని శ్రీనగర్ ఎన్‌ఐటిలో చదువుతున్న తెలుగు విద్యార్థులు తీవ్ర ఆందోళన వ్యక్తం చేస్తున్నారు. కొద్ది రోజుల క్రితం భారత్, పాకిస్తాన్ జట్ల మధ్య క్రికెట్ పోటీ సందర్భంగా నిట్ విద్యార్థులపై స్థానికులు దాడి చేశారు. ఈ సందర్భంగా పోలీసులు నిట్‌లోకి ప్రవేశించి విద్యార్థులపై లాఠీ చార్జి చేశారు.

Pages