ఇంఫాల్‌: మణిపూర్‌ సెంట్రల్‌ జైల్లోశనివారం ఖైదీల మధ్య జరిగిన ఘర్షణలో ముగ్గురు ఖైదీలు మృతి చెందారు. ఈ ఘటనలో ముగ్గురు జైలు అధికారులతో పాటు మరో ఖైదీ గాయపడ్డట్లు పోలీసులు చెప్పారు.ఇంఫాల్‌లో గల సెంట్రల్‌ జైల్లో యూసుఫ్‌(21), అబ్దస్‌(22) అనే ఇద్దరు ఖైదీలు అదే జైల్లో ఖైదీగా ఉంటున్న చురాచంద్‌పూర్‌ జిల్లాకు చెందిన తంగిమిన్‌లీన్‌ అనే వ్యక్తిని దారుణంగా కొట్టి చంపారు.

బెంగళూరు: కర్నాటక ముఖ్యమంత్రి సిద్ధరామయ్య పెద్ద కుమారుడు రాకేష్ అనారోగ్యంతో చికిత్స పొందుతూ బ్రస్సెల్స్‌లోని యూనివర్సిటీ ఆస్పత్రిలో మరణించారు. స్నేహితులతో కలిసి యూరప్ పర్యటనకు వెళ్లిన రాకేష్‌కు తీవ్రమైన కడుపునొప్పి రావడంతో బ్రస్సెల్స్‌లోని యూనివర్సిటీ ఆస్పత్రిలో చేర్పించారు.

శ్రీనగర్: జమ్ము-కాశ్మీర్‌లోని నియంత్రణ రేఖ (ఎల్‌ఓసి) వద్ద శనివారం ఉదయం భారత భూభాగంలోకి ప్రవేశించేందుకు ఉగ్రవాదులు ప్రయత్నించగా భద్రతాదళం తిప్పికొట్టింది. ఈ సందర్భంగా ఇద్దరు ఉగ్రవాదులను భారత సైనికులు హతమార్చారు. ఎదురుకాల్పుల్లో ఇద్దరు జవాన్లు ప్రాణాలు కోల్పోయారని అధికారులు తెలిపారు. శనివారం మధ్యాహ్నానికి ఎదురుకాల్పులు ఇంకా కొనసాగతూనే ఉన్నాయి.

న్యూఢిల్లీ, జూలై 29: గోమాంసం అంశంపై మధ్యప్రదేశ్‌లో ఇద్దరు దళిత మహిళలపై దాడి చేసిన సంఘటనపై శుక్రవారం లోక్‌సభలో ప్రతిపక్షాలు అధికార బిజెపిపై తీవ్రస్థాయిలో విరుచుకుపడ్డాయి. ఆ పార్టీ అధికారంలో ఉన్న రాష్ట్రాల్లో దళితులు, ముస్లింలపై దాడులు రాను రాను పెరిగిపోతున్నాయంటూ విమర్శించాయి. దీంతో హోం మంత్రి రాజ్‌నాథ్ సింగ్ జోక్యం చేసుకుని ఈ విషయంలో న్యాయం చేయడం జరుగుతుందని హామీ ఇచ్చారు.