న్యూఢిల్లీ, జూలై 29: కేంద్ర ప్రభుత్వ ఉద్యోగులకు ప్రభుత్వం మరో శుభవార్తను అందించింది. ఏడో వేతన సంఘం సిఫార్సులకు సంబంధించిన ఎరియర్స్ అన్నీ కూడా ఒకేసారి ఆగస్టు వేతనాలతో కలిపి ఇవ్వాలని శనివారం నిర్ణయించింది. ఏడో వేతన సంఘం సిఫార్సుల మేరకు కేంద్ర ఉద్యోగులకు ఇప్పటికే 2.57రెట్లు మూలవేతనం పెరిగింది. 125శాతం డిఏ పెరిగింది. మొత్తంమీద 23.5శాతం పెరుగుదల జరిగింది.

న్యూఢిల్లీ, జూలై 29: పిఎఫ్ కనీస పింఛనును నెలకు రూ 3 వేల రూపాయలకు పెంచాలని, ఉద్యోగుల పింఛను పథకాన్ని సమీక్షించాలని, ఉద్యోగుల భవిష్య నిధి (ఇపిఎఫ్)లో ప్రభుత్వ వాటాను పెంచాలని శుక్రవారం లోక్‌సభలో ప్రతిపక్షాలు డిమాండ్ చేశాయి.

న్యూఢిల్లీ, జూలై 29: ఆంధ్రప్రదేశ్ విభజన చట్టంలోని హామీల అమలుపై పార్లమెంట్‌లో కేంద్రం చేసిన ప్రకటనపై టిడిపి తీవ్ర ఆగ్రహాన్ని వ్యక్తం చేసింది. ఆ పార్టీకి చెందిన ఎంపీలు సి.ఎం.రమేష్, గరికపాటి మోహనరావు, టి.జి.వెంకటేష్, తోట సీతారామలక్ష్మి శుక్రవారం విలేఖరులతో మాట్లాడుతూ, ఏపీకి ప్రత్యేక హోదా విషయంలో కాంగ్రెస్‌కు చిత్తశుద్ధి లేదని విమర్శిచారు.

న్యూఢిల్లీ,జూలై 29: ఆంధ్రప్రదేశ్‌కు ప్రత్యేక హోదాపై రెండు సంవత్సరాలుగా నానుతున్న ఊహాపోహలన్నింటికీ కేంద్ర ప్రభుత్వం ఫుల్‌స్టాప్ పెట్టేసింది. రాష్ట్రానికి ప్రత్యేక హోదా ఇవ్వటం కుదరదని కుండబద్దలు కొట్టింది. ఈ అంశంపై ఇకపై ఎలాంటి అంచనాలకు తావులేకుండా తాను చెప్పదలచుకున్నది సూటిగా స్పష్టంగా చెప్పేసింది. పధ్నాలుగో ఆర్థిక సంఘం సిఫార్సుల కారణంగా ఏ రాష్ట్రానికీ హోదా ఇవ్వటం సాధ్యం కాదని తేల్చిచెప్పింది.