చెన్నై, జూలై 24: ప్రముఖ వయొలిన్ విద్వాంసురాలు ఎ కన్యాకుమారి ఈ ఏడాది మద్రాసు మ్యూజిక్ అకాడమీ ప్రతిష్ఠాత్మక సంగీత కళానిధి పురస్కారానికి ఎంపికయ్యారు. ఆదివారం ఇక్కడ సమావేశమైన కార్యవర్గం ఆమెను ఈ పురస్కారానికి ఏకగ్రీవంగా ఎంపిక చేసినట్లు అకాడమీ అధ్యక్షుడు ఎన్ మురళి చెప్పారు.

చెన్నై: ఇండియన్ ఎయిర్ ఫోర్స్ ఏఎన్-32 విమానం అదృశ్యమై మూడు రోజులు కావస్తున్నా ఇంకా ఆచూకీ దొరకలేదు. మూడో రోజు ఆదివారం గాలింపు చర్యలు కొనసాగుతున్నాయి. సముద్రంలో ప్రతికూల వాతావరణం ఉండటం గాలింపు చర్యలకు అంతరాయం ఏర్పడుతోంది. 18 నౌకలు, 8 విమానాలు, ఒక సబ్మెరైన్ సాయంతో గాలింపు చర్యలు చేపడుతున్నారు. ఉపగ్రహాల సాయంతో శోధిస్తున్నారు.

పాట్నా: హౌరా- గోరఖ్‌పూర్ ఎక్స్‌ప్రెస్‌లో ఓ బాలిక పట్ల అసభ్యకరంగా ప్రవర్తించిన బిజెపి ఎమ్మెల్సీ తున్నాజీ పాండేను పోలీసులు అరెస్టు చేశారు. దురగ్‌పూర్ వద్ద రైలులో ఎక్కిన పాండే ఆదివారం తెల్లవారు జామున అదే కోచ్‌లో ప్రయాణిస్తున్న బాలిక వద్దకు వెళ్లి అసభ్యకరంగా ప్రవర్తించాడు. దీంతో ఆ బాలిక కేకలు వేయగా ఆమె తల్లిదండ్రులు వచ్చి పాండేను నిలదీశారు.

దిల్లీ: ఓ మహిళను బెదిరించినట్లు వచ్చిన అభియోగంపై దిల్లీలో ఆదివారం ఉదయం ఆమ్ ఆద్మీ పార్టీ ఎమ్మెల్యే అమానుల్లా ఖాన్‌ను పోలీసులు అరెస్టు చేశారు. ఇటీవలి కాలంలో పలు కేసుల్లో ఆప్ ఎమ్మెల్యేలు వరుసగా అరెస్టు కావడం గమనార్హం. తమ పార్టీకి చెందిన మరో ఎమ్మెల్యేను ప్రధాని మోదీజీ అరెస్టు చేయించారని ఆప్ అధినేత, దిల్లీ సిఎం కేజ్రీవాల్ ట్వీట్ చేశారు.