వరంగల్, జూలై 23: హౌరా నుంచి హైదరాబాద్ వెళ్తున్న ఈస్టుకోస్టు ఎక్స్‌ప్రెస్ రైలులో చిన్నపిల్లల తరలింపు కలకలం రేపింది. శనివారం ఈస్టుకోస్టు ఎక్స్‌ప్రెస్‌లో ఒరిస్సా నుంచి 78 మంది చిన్నపిల్లలను తరలిస్తున్నారంటూ ఇక్కడికి సమాచారం అందడంతో అప్రమత్తమైన పోలీసులు ఈస్టుకోస్టు ఎక్స్‌ప్రెస్ వరంగల్ రైల్వేస్టేషన్‌కు చేరుకొనేలోపే సివిల్, జిఆర్‌పి పోలీసులు అక్కడికి చేరుకున్నారు.

చెన్నై, జూలై 23: బంగాళా ఖాతం మీదుగా ఎగురుతూండగా శుక్రవారం 29మందితో అదృశ్యమైన ఎఎన్ 32 వైమానిక దళ రవాణా విమానం ఆచూకీ ఇంకా తెలియలేదు. బయలు దేరిన కొద్ది నిముషాలకే రాడార్ నుంచి తప్పిపోయిన ఈ విమానం కోసం నలుదిశలా గాలింపు చర్యలు ముమ్మరంగా కొనసాగుతున్నాయి. శనివారం రాత్రి పొద్దుపోయే వరకూ విమానం ఏమైంది.. కూలిపోయిందా అనే ఉత్కంఠ కొనసాగుతూనే ఉంది.

కదిరి టౌన్/ ముదిగుబ్బ, జూలై 23: అనంతపురం జిల్లా ముదిగుబ్బ మండలం సంకేపల్లి క్రాస్ వద్ద శనివారం తెల్లవారుజామున జరిగిన ఘోర రోడ్డు ప్రమాదంలో ఐదుగురు మృతి చెందారు. టవేరా వాహనాన్ని లారీ ఢీకొనడంతో ఈ ప్రమాదం జరిగింది. మృతుల్లో మూడేళ్ల చిన్నారి కూడా ఉంది. కర్నాటకకు చెందిన వీరంతా తిరుమల వెంకటేశ్వరస్వామి దర్శనానికి వెళ్తూ మృత్యువాత పడ్డారు.

న్యూఢిల్లీ, జూలై 23: తరాలు మారుతున్నా మాదిగల తలరాతలు మాత్రం మారడం లేదని మాదిగ రిటైర్డ్ ఉద్యోగుల విభాగం నాయకుడు బి నారాయణ ఆవేదన వ్యక్తం చేశారు. పార్లమెంటు వర్షాకాల సమావేశాల్లోనే ఎస్సీ వర్గీకరణకు చట్టబద్ధత కల్పించాలని కేంద్ర ప్రభుత్వాన్ని డిమాండ్ చేస్తూ ఢిల్లీలోని జంతర్‌మంతర్ వద్ద ఎమ్పార్పీఎస్ చేప్పట్టిన నిరసన కార్యక్రమాలు శనివారం నాటికి ఐదోరోజుకు చేరాయి.