ముంబై: సోమవారం దేశీయ స్టాక్మార్కెట్లు లాభాలతో ప్రారంభమయ్యాయి. భారత ఈక్విటీ మార్కెట్ సూచీలు వరుసగా 6వ సెషన్ లో కూడా దలాల్ స్ట్రీట్ భారీ లాభాల్లో కొనసాగుతోంది. ఇంతకు ముందు ఐదు సెషన్లలో 747 పాయింట్లు లాభపడిన ప్రారంభంలో 200 పాయింట్లకు పైగా లాభంతో మొదలైంది. సెన్సెక్స్ 170 పాయింట్ల లాభంతో 27,315 దగ్గర సెన్సెక్స్ స్థిరంగా ట్రేడవుతోంది.

దిల్లీ: ప్రధాని నరేంద్ర మోదీ మంత్రివర్గంలో మార్పులు, చేర్పులకు ఎట్టకేలకు ముహూర్తం కుదిరింది. మంగళవారం ఉదయం 11 గంటలకు కొత్త మంత్రులచే ప్రమాణ స్వీకారానికి చురుగ్గా సన్నాహాలు జరుగుతున్నట్టు భోగట్టా. ఈనెల 7న ప్రధాని మోదీ నాలుగు దేశాల్లో పర్యటించేందుకు వెళుతున్నందున ఈలోగా మంగళవారం నాడు క్యాబినెట్‌లో మార్పులు చేయనున్నారని సమాచారం.

న్యూఢిల్లీ, జూలై 3: ఏడవ వేతన సంఘం సిఫార్సుల మేరకు పెంచిన వేతనాలు తమకు సరిపోవంటూ దేశవ్యాప్తంగా ఉన్న 33 లక్షల పైచిలుకు కేంద్ర ప్రభుత్వ ఉద్యోగులు ఈ నెల 11నుంచి సమ్మె చేస్తామని హెచ్చరిస్తున్నారు. 7 వేల రూపాయలుగా ఉన్న బేసిక్ వేతనాన్ని 2.57 శాతం ఫిట్‌మెంట్ ఫార్ములా ప్రకారం వేతన సంఘంలో రూ. 18 వేలుగా నిర్ణయించారు.

న్యూఢిల్లీ, జూలై 3: చరిత్రను మరిచిపోయేవారు చరిత్రను సృష్టించలేరని ప్రధాని నరేంద్ర మోదీ అన్నారు. సిక్కుల చివరి గురువు గురుగోవింద్ సింగ్ 350 జయంతి ఉత్సవాలను అత్యంత ఘనంగా నిర్వహిస్తామని, ఇందుకోసం వంద కోట్లు కేటాయిస్తామని మోదీ తెలిపారు. సిక్కు జనరల్ బాబా బందా సింగ్ 300 వర్ధంతి సందర్భంగా ఆదివారం ఇందిరా గాంధీ ఇండోర్ స్టేడియంలో జరిగిన ఓ సంస్మరణ కార్యక్రమంలో మోదీ మాట్లాడారు.