S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

06/24/2016 - 16:17

శ్రీనగర్: జమ్ము-కాశ్మీర్‌లోని కుప్వారా జిల్లా హంద్వార్ అటవీ ప్రాంతంలో శుక్రవారం జరిగిన ఎదురుకాల్పుల్లో ఓ ఉగ్రవాది హతమయ్యాడు. ఆ ప్రాంతంలో ఉగ్రవాదులు సంచరిస్తున్నట్టు తెలుసుకుని భద్రతాదళాలు గాలింపు చర్యలు చేపట్టాయి. ఉగ్రవాదులు తుపాకులు పేల్చడంతో సైనికులు కూడా కాల్పులు జరిపారు. ఈ కాల్పుల్లో ఓ ఉగ్రవాది మరణించాడని భద్రతాదళ అధికారులు ప్రకటించారు.

06/24/2016 - 11:46

ముంబయి: భారత స్టాక్‌మార్కెట్లపై బ్రెగ్జిట్‌ తీవ్ర ప్రభావం చూపింది. శుక్రవారం ఉదయం ట్రేడింగ్‌ ప్రారంభమైనప్పటి నుంచే స్టాక్‌మార్కెట్లు నష్టాల బాట పట్టాయి. ప్రారంభం నుంచే భారీ నష్టాల్లో ట్రేడ్‌ అయిన మార్కెట్లు బ్రెగ్జిట్‌ ప్రభావంతో కుప్పకూలాయి. 1000 పాయింట్లకు పైగా నష్టంలో సెన్సెక్స్‌, 300 పాయింట్లకు పైగా నష్టంలో నిఫ్టీ ట్రేడవుతున్నాయి.

06/24/2016 - 03:41

హైదరాబాద్, జూన్ 23: గోదావరిపై ప్రాజెక్టుల నిర్మాణానికి మహారాష్ట్ర అడ్డంకులు ఒక దాని తరువాత ఒకటి తొలగిపోతున్నాయి.. ముంబైలో మహారాష్ట్ర ముఖ్యమంత్రితో నీటిపారుదల శాఖ మంత్రి తన్నీరు హరీశ్‌రావు గురువారం జరిపిన చర్చలు విజయవంతం అయ్యాయి. రెండు రాష్ట్రాల ముఖ్యమంత్రుల మధ్య వచ్చేనెల రెండో వారంలో హైదరాబాద్‌లో ఒప్పందం కుదరడానికి మార్గం సుగమం అయింది.

06/24/2016 - 03:26

న్యూఢిల్లీ, జూన్ 23: కృష్ణా జలాల వినియోగంపై ఆంధ్ర, తెలంగాణ నీటిపారుదల శాఖ మంత్రులతో కేంద్ర జల వనరుల శాఖ ముఖ్య కార్యదర్శి అమర్‌జీత్ సింగ్ గురువారం జరిపిన రెండో విడత చర్చలు కూడా విఫలమయ్యాయి.

06/24/2016 - 02:37

పాట్నా, జూన్ 23: ఢిల్లీ గ్యాంగ్ రేప్ ఉదంతాన్ని గుర్తుకు తెచ్చేలా బిహార్‌లోని మోతిహరిలో ఓ 21 ఏళ్ల యువతిని తుపాకీతో బెదిరించి సామూహిక అత్యాచారానికి పాల్పడిన సంఘటన వెలుగులోకి వచ్చింది. ప్రస్తుతం ఆసుపత్రిలో చికిత్స పొందుతున్న ఆ యువతి ఆరోగ్య పరిస్థితి విషమంగా ఉంది.

06/24/2016 - 01:29

బెంగళూరు, జూన్ 23: కర్ణాటక ముఖ్యమంత్రి సిద్ధ రామయ్య తన మంత్రివర్గంలో చేసిన భారీ పునర్ వ్యవస్థీకరణతో రాష్ట్ర కాంగ్రెస్‌లో తలెత్తిన అసమ్మతి గురువారం తీవ్రమయింది. భవిష్యత్తు కార్యాచరణను నిర్ణయించేందుకు త్వరలోనే సమావేశం కావాలని అసమ్మతి నాయకులు నిర్ణయించారు. అవసరమైతే ప్రభుత్వ నాయకత్వాన్ని మార్చాలని కూడా వారు ఆలోచిస్తున్నారు.

06/24/2016 - 01:29

న్యూఢిల్లీ, జూన్ 23: మహిళలను కించపరిచేలా వ్యాఖ్యలు చేసిన బాలీవుడ్ నటుడు సల్మాన్‌ఖాన్‌ను రియో ఒలింపిక్స్‌కు గుడ్‌విల్ అంబాసిడర్ హోదా నుంచి తప్పించే సూచనలు కనిపిస్తున్నాయి. ‘సుల్తాన్’ షూటింగ్ అనుభవాల గురించి మాట్లాడుతూ ఖాన్ వ్యాఖ్యలు తీవ్ర దుమారం రేపాయి. సల్మాన్ తరఫున అతడి తండ్రి, సినీ రచయిత సలీమ్‌ఖాన్ క్షమాపణలు చెప్పాల్సి వచ్చింది.

06/24/2016 - 01:27

న్యూఢిల్లీ, జూన్ 23: జార్ఖండ్‌లో సుమారు తొమ్మిదేళ్ల క్రితం ఒకే కుటుంబానికి చెందిన ఎనిమిది మందిని హతమార్చిన కేసులో దోషులయిన ఇద్దరు వ్యక్తులు పెట్టుకున్న క్షమాభిక్ష పిటిషన్‌ను రాష్టప్రతి ప్రణబ్ ముఖర్జీ తిరస్కరించారు. దోషులు మొఫిల్ ఖాన్, మొబారక్ ఖాన్ పెట్టుకున్న క్షమాభిక్ష పిటిషన్‌ను రాష్టప్రతి తోసిపుచ్చినట్లు అధికారులు గురువారం తెలిపారు.

06/24/2016 - 01:26

భోపాల్, జూన్ 23: కాంగ్రెస్ పార్టీ ఉపాధ్యక్షుడు రాహుల్ గాంధీ ఎక్కడున్నదీ చెబితే లక్ష రూపాయల రివార్డు ఇస్తానని మధ్యప్రదేశ్‌కి చెందిన బిజెపి నాయకుడొకరు ప్రకటించారు. ఇటీవలే 46వ ఏట అడుగుపెట్టిన రాహుల్ కొద్ది రోజుల పర్యటన నిమిత్తం విదేశాలకు వెళ్లారు. అయితే ఆయన ఎక్కడకు వెళ్లారు? ఏ దేశంలో ఉన్నారన్న విష యం గోప్యంగా ఉంచారు.

06/24/2016 - 01:26

భోపాల్, జూన్ 23: దేశంలో నిరుద్యోగ సమస్య ఎంత దారుణంగా ఉందో తెలియజేసే సంఘటన ఇది. మధ్యప్రదేశ్ ప్రభుత్వం నాలుగో తరగతి ఉద్యోగాల భర్తీకి నోటిఫికేషన్ జారీ చేయగా ఉన్నత విద్యావంతులు క్యూ కట్టేశారు. 34 మంది పిహెచ్‌డిలు, 12వేల మంది బిటెక్ గ్రాడ్యుయేట్లు దరఖాస్తు చేసుకున్నారు. ఫోర్త్ క్లాస్ ఉద్యోగాలకు పదో తరగతి విద్యార్హతలు కాగా పిజిలు అందులోనూ పిహెచ్‌డిలు, ఇంజనీర్లు పోటీ పడుతున్నారు.

Pages