న్యూఢిల్లీ, ఏప్రిల్ 25: జవహర్‌లాల్ నెహ్రూ విశ్వవిద్యాలయం సోమవారం వర్శిటీ విద్యార్థి సంఘం అధ్యక్షుడు కన్హయ్య కుమార్, మరో పిహెచ్‌డి విద్యార్థి ఉమర్ ఖలీద్‌పై చర్యలు తీసుకుంది. ఫిబ్రవరి 9న యూనివర్శిటీ క్యాంపస్‌లో నిర్వహించిన ఒక కార్యక్రమంలో అఫ్జల్‌గురుకు అనుకూలంగా నినాదాలు ఇచ్చినందుకు ఉమర్ ఖలీద్‌ను ఒక సెమిస్టర్ పాటు విశ్వవిద్యాలయం నుంచి సస్పెండ్ చేయడంతో పాటు రూ. 20వేల జరిమానా విధించింది.

న్యూఢిల్లీ, ఏప్రిల్ 25: ప్రధాని నరేంద్ర మోదీ నాయకత్వంలోని ఎన్‌డిఏ ప్రభుత్వం మరో కేంద్ర పథకం పేరు మార్చాలని నిర్ణయించింది. ఇందిరా అవాస్ యోజన పథకం పేరు మార్పుచేశారు. ఇక నుంచి ఇందిరా అవాస్ యోజన పథకాన్ని ‘ప్రధాన మంత్రి గ్రామీణ అవాస్ యోజన’పథకంతో పిలుస్తారు. అలాగే ఇళ్ల నిర్మాణ పథకానికి నిధులు పెంచాలని మోదీ ప్రభుత్వం నిర్ణయించింది.

న్యూఢిల్లీ, ఏప్రిల్ 25: నీరు నిల్వ చేయడానికి ఇంకుడు గుంతలు, చెక్ డ్యాంల నిర్మాణం తప్పనిసరి చేస్తూ చట్టం తీసుకురావల్సి అవసరం ఎంతైనా ఉందని కేంద్ర మంత్రి వెంకయ్య నాయుడు స్పష్టం చేశారు. సోమవారం ఇక్కడి ఇండియన్ హేబిటేట్ సెంటర్‌లో (హౌసింగ్ అండ్ అర్బన్ డెవలప్‌మెంట్ కార్పొరేషన్) హడ్కో 46వ్యవక స్థాపక దినోత్సవ వేడుకలను వెంకయ్యనాయుడు ప్రారంభించారు.

ముంబయి: మాలెగావ్ బాంబు పేలుళ్ల కేసులో మొత్తం ఎనిమిదిమంది నిందితులను నిర్దోషులుగా పేర్కొంటూ బాంబే హైకోర్టు సోమవారం తీర్పు ఇచ్చింది. నిందితులపై అభియోగాలను తొలగించడంతో కోర్టు ఈ నిర్ణయం తీసుకుంది. మహారాష్టల్రోని మాలెగావ్ ప్రాంతంలో 2006 సెప్టెంబర్‌లో ముస్లింల శ్మశానవాటిక వద్ద బాంబులు పేలి 37 మరణించారు. వందమందికిపైగా గాయపడ్డారు. ఈ కేసులో 9 మందిని నిందితులుగా పేర్కొంటూ పోలీసులు కేసు పెట్టారు.