న్యూఢిల్లీ, ఏప్రిల్ 20: విదేశీ పర్యాటకులను ఆకర్షించడానికి కేంద్ర ప్రభుత్వం ప్రారంభించిన ఇన్‌క్రెడిబుల్ ఇండియా ప్రచారకర్తగా బాలీవుడ్ నటి ప్రియాంక చోప్రాను తీసుకుంటారని తెలిసింది. పీపుల్స్ చాయిస్ అవార్డు, అస్కార్ పురస్కారాల పండుగ వేదికపై తళుక్కుమన్న ప్రియాంకను బ్రాండ్ అంబాసిడర్‌గా నియమించాలని భావిస్తున్నట్టు తెలిసింది.

న్యూఢిల్లీ, ఏప్రిల్ 20: భారతీయ జనతా పార్టీ ఇప్పుడు దేశంలోని అన్ని జాతీయ రాజకీయ పార్టీల్లోకి అత్యంత సంపన్న పార్టీ అయింది. 2014-15 ఆర్థిక సంవత్సరంలో అంటే ఆ పార్టీ కేంద్రంలో అదికారంలోకి వచ్చిన సంవత్సరంలో ఆ పార్టీ ఆదాయం రూ. 970.43 కోట్లకు చేరుకుంది.

బెంగళూరు, ఏప్రిల్ 20: ప్రావిడెంట్ ఫండ్ అంశంపై వస్త్ర పరిశ్రమలో పనిచేస్తున్న కార్మికులు నిర్వహించిన నిరసన ప్రదర్శన సందర్భంగా హింస చెలరేగడంతో అధికారులు బెంగళూరు నగరంలో కేంద్ర బలగాలను మోహరించారు. నిషేధాజ్ఞలు జారీ చేశారు. మంగళవారంనాటి హింసలో తీవ్రంగా దెబ్బతిన్న జలహల్లి క్రాస్ రోడ్డు మీదుగా రాపిడ్ యాక్షన్ ఫోర్స్‌కు చెందిన బలగాలు బుధవారం కవాతు నిర్వహించాయి.

న్యూఢిల్లీ, ఏప్రిల్ 20: గత ఏడాది డిసెంబర్‌లో వాతావరణ మార్పుపై 190కి పైగా దేశాలు ఆమోదించిన చరిత్రాత్మక పారిస్ ఒప్పందంపై భారత్ వచ్చే శుక్రవారం న్యూయార్క్‌లో సంతకం చేయనుంది. ఫ్రెంచ్ రాజధానిలో జరిగిన 21వ భాగస్వామ్య దేశాల సదస్సులో ఆమోదించిన ఈ ఒప్పందంపై సంతకం చేయడానికి కేంద్రమంత్రివర్గం బుధవారం ఆమోదం తెలియజేసింది.