దిల్లీ: ప్రపంచ ప్రఖ్యాతి గాంచిన కోహినూర్ వజ్రం మనదేశ సంపద అని, దాన్ని తిరిగి దేశానికి తీసుకురావల్సిందేనని ఆరెస్సెస్ నాయకుడు ఇంద్రేష్ కుమార్ మంగళవారం ఒక ప్రకటనలో డిమాండ్ చేశారు. ప్రస్తుతం లండన్‌లో ఉన్న కోహినూర్‌ను ఎవరూ దొంగిలించలేదని, బలవంతంగా తీసుకుపోలేదని, మహారాజా రంజిత్‌సింగ్ దాన్ని బ్రిటిష్‌వారికి కానుకగా ఇచ్చారని కేంద్ర ప్రభుత్వం తాజాగా సుప్రీం కోర్టుకు నివేదించిన సంగతి తెలిసిందే.

ముంబయి: తీవ్ర దుర్భికంతో అల్లాడుతున్న మహారాష్టల్రో నీటి వనరులను సంరక్షించేందుకు బాలీవుడ్ నటుడు అక్షయ్‌కుమార్ 50 లక్షల రూపాయలను విరాళంగా అందజేశారు. దుర్భిక్ష ప్రాంతాల్లో నీటి నిల్వలను పెంచేందుకు మహారాష్ట్ర సర్కారు ప్రారంభించిన ‘జలయుక్త్ శివార్ అభియాన్’ కార్యక్రమానికి ఆయన ఈ విరాళం ప్రకటించారు.

రాజమహేంద్రవరం, ఏప్రిల్ 18: తూర్పు గోదావరి జిల్లా మధురపూడి విమానాశ్రయం శరవేగంగా విస్తరిస్తోంది. అంతర్జాతీయ స్థాయిలో ప్రపంచ స్థాయి ప్రమాణాలతో రూపుదిద్దుకుంటోంది. ఇటు ఎయిర్‌పోర్టు విస్తరణతోపాటు అటు సర్వీసులు కూడా విస్తరిస్తున్నాయి. ఇప్పటికే జెట్ ఎయిర్‌వేస్, స్పైస్ జెట్, ట్రూజెట్ సంస్థలు హైదరాబాద్, చెన్నైలకు సర్వీసులు నడుపుతున్నాయి.

మాస్కో, ఏప్రిల్ 18: పంజాబ్‌లోని పఠాన్‌కోట్ వైమానిక స్థావరంపై దాడుల వెనుక ప్రధాన పాత్ర పోషించిన పాకిస్తాన్ ఉగ్రవాద సంస్థ జైషే మహ్మద్ అధినేత మసూద్ అజార్‌ను అప్పగించాలని ఐక్యరాజ్య సమితిలో చేసిన వాదనను చైనా అడ్డుకోవడం పట్ల భారత్ తీవ్ర అభ్యంతరాన్ని వ్యక్తం చేసింది. ఉగ్రవాదంపై పోరాడేందుకు ద్వైపాక్షిక సహకారం చాలా కీలకమని చైనాకు భారత్ స్పష్టం చేసింది.